【 緣份熱布甸】蘇波榮任坐任Hea @ So boring
|
|
大仁生活
2015-03-17
728
1
|
2月尾去了「潮記大作戰」, 不過現場等了又等, 怕小朋友肚餓, 於是問大廚「如果今日唔食…之後可以係邊度食到你煮嘅嘢呢?」…他說:「蘇波榮~So boring」.
「蘇波榮??」, 同場其他食客答:「你直行轉右德昌里行人橋底...好近咋」, 一個妙絕的店名, 原來名字在油麻地已經響噹噹, 「硬係啦...差唔多開咗2年架啦」(忽然覺得自己好鬼Out)
於是我們便慢慢行去油麻地與大角咀交界, 「蘇波榮」位於與果欄一條馬路之隔...店舖空間不大, 所以全部食客也是自行於行人路上開枱進食, 感覺Free爆, 任坐任Hea, 無人理..
而最最最無敵,「蘇波榮」賣點是價錢全部「顧客話事」, 「隨你定價」. 店員說:「食完你鍾意畀幾多米幾多囉」(嘩!咁友情…怕唔怕蝕本?? 事實我杞人憂天, 蘇波榮一月時已與業主續約了)
八卦的我拉著Anna問:「蘇波榮嗰隨你定價係邊個諗架?」她回答:「本來唔係咁嘅, 不過後嚟其中一檔檔主諗咗出嚟, 於是我哋兩家都跟囉...」
補充少少...「So boring」本來只是經營宵夜燒烤小食店, 但因為9名合資老闆各有正職, 不到三個月有數位老闆相繼離去,最後 「德昌里」, 及「活化廳」加入幫手, 於是變成今時今日三班人合營.
我們今晚大約8點到達, 最初我為以為因為毛毛雨, 所以驚訝一枱生意也沒有, 最攪笑店主四人竟然見空閒, 忽然開枱打牌…(意想不到, 超神奇的情景…)
及後發現, 原來到「蘇波榮」的9成是文青, (我們一家今晚變成異類), 文化人怎會8點吃晚飯? 後來我慶幸提早過來, 因為一到9點, 行人路人山人海, 接近10枱食客, 熱鬧過睇9點半.
八卦仁走去問Anna:「頭先贏定輸呀??」Anna:「都未食就有人嚟喇…夜啲先再打囉…」
「蘇波榮」每晚餐牌也更換, 今晚我們飲到德昌里素食合作社朋友的雜菜湯, 絶對夠味, 不過可能沒有被分配到煲底的湯料, 所以雜菜不算太多.
滑蛋炒菇飯是今晚的驚喜, 因為來的竟然是健康的糙米飯, 蛋蛋配菇菇, 如果蛋可以再炒得生一點會更加好.
菠菜蕃茄豆卜意粉, 可能我望住大廚炒, 所以雖然賣相不是太正, 但味道比蛋菇飯更好食, 更有味.
不過, 其實我今晚的期待食物並非鹹點, 而是我一直最趨之若騖的西米焗布甸.
Anna:「今晚係我第一次焗布甸, 之前未整過架…」(我最鍾意食熱布甸, 鳳城你有冇食過, 不過我熑甜咗啲) Anna:「我上星期先食完, 我都好鍾意食架」
今晚有白糖及黃糖制的熱布甸, 上枱時連黑的長方形碟也是熱辣辣, 有期待但絶對無失望, 可能愛食熱布甸的人煮理, 所以好合熱布甸迷的胃口.
今晚我要和囝爭食, 因為甜度「啱啱好」, 真的好好, 好布甸, 好好, 大家好. 臨走前我對Anna說:「下次嚟再食你整嘅布甸」Anna:「我唔知幾時再整架喎, 睇緣份啦…」
(吓?? 緣份布甸 ?? 咁今晚真係我和布甸好有緣份喎)
蘇波榮 (星期四、五) 1800 – 2200 德昌里素食合作社 (星期二、三、六) 1600 – 0000 活化星期日、一 1600 – 2200
|
商店 | 蘇波榮 |