本身想去元氣食晚飯,但元氣太多人,又冇乜熟食不太多選擇,於是搵一間多選擇同好坐點的日本店,經過此店,價格合理,就入去試下了。

三文魚刺身(8片),$70,好大塊三文魚,仲要厚切,賣相得,味道也不俗,幾新鮮呀。

吞拿魚沙律壽司,$22,好多吞拿魚,芥辣八爪魚壽司,$26,好多料,味道不俗。

玉子壽司,$24,好巨形的玉子,本身喜歡食蛋,味道正常水準。

炸蝦天婦羅,$74,唔油,好脆口,但味道淡。

和風豚肉拉麵,$56,豚肉份量較少,拉麵味道普通。

吉列豬扒蛋飯,$49,脆口的炸豬扒。

雞柳鍋燒飯,$62,熱辣辣的飯,配上雞柳及燒汁,味道不俗。

味道正常,價格合理,三文魚刺身好抵食呀。

上水新祥街6號地下