趁車爸爸放假去長洲走一轉行下食下嘢輕鬆返日,須然仲係假期但人流比12號3萬多人巳少了很多人喇~
一落船已接近3點行過餅店見新鮮出爐小蛋撻$2/隻即時買兩隻填肚,熱烘烘一隻一口還不錯係蛋香味不夠濃$2隻不投訴吧!!,還有雞批和椰撻如非要留肚一定要試晒佢哋呀~
第一間要試嘅係車哥哥介紹的一家大細食Burger
家庭式經營慢工出細貨首先出飲品我例牌凍檸茶車爸爸order係凍檸蜜,凍檸茶味尚算香濃不澀但最驚喜嘅係凍檸蜜那香甜不假嘅蜂蜜味道好清新勁後悔不跟車爸爸order凍檸蜜呢!!
等咗大約20min食物都陸續上檯我的芒果蟹肉沙律長扒飽$40,包包好鬆軟夾著香甜芒果肉蟹柳沙律吃下清新怡人伴菜也不求其有一小撮新鮮沙律菜最驚喜係那陳醋香醇濃厚畫龍點睛之選
車爸爸的漢堡包配薯條$50車爸爸大讚漢堡牛肉juicy有肉味配上不少薯條仲要勁大條又好吃~
真係好鬼大條架haha~這店還不收服務費好鬼抵食架^0^
是日有成30度吃件冰鎮菠蘿消暑下盛惠$5
長洲必食芒果糯米糍是常識吧!!早一日已打電話去芒果王想訂定可惜一路冇人接電話算吧睇緣份啦,行過平記見好多人排呢間糯米糍便試試啦都好快10min就到我~
買咗兩粒芒果糯米糍一粒榴槤糯米糍各$10/粒
皮好薄芒果肉好澎湃不過真係要即食放久了會黐牙~
榴槤糯米糍就一般了皮厚身之餘榴槤餡亦太少
最後吃的榴槤糯米糍已黏黏的~
紫貝天葵$13/支頗抵飲大大枝又夠味
我同車爸爸都愛吃這家的大粒魚蛋$10/串不愛甘XX的,有7種口味我哋梗係要勁辣咖哩啦
對不起車爸爸你太可愛了這相要公諸同好haha~
故鄉茶寮出晒名的紅豆餅
紅豆餅$6/件外層算得上鬆軟不甚驚喜但紅豆內餡就頗驚豔香甜紅豆蓉跟口腔交纏不斷~好纏綿噢!!
真有點後悔冇帶泳裝來熱到想跳海呀~還幸冇帶無謂嚇親長洲街坊嘛haha~
見到有傳統糖膠公仔好想買個吹波波玩下(70後應該知係乜東東)但師傅做緊朵玫瑰花比客都成10min仲未完成最後放棄了~
車爸爸最愛食嘅燒黃花魚子$30有3,4件燒香搽D蜜糖好好味~
到芒果王時已糯米糍售罄原來店方長假期不設預訂唔怪之得打極電話都冇人聽啦......有緣再試吧!!
金毛芝士燒蠔$35/隻本想試燒龍蝦可惜又賣晒
蠔唔夠肥美店方加添咗D蠔仔令蠔味豐富不過芝士不夠香口一般咋
行到7:30pm係時候晚餐揀咗恒樂海鮮菜館簡單叫個2人餐$238~
踎大排檔梗係要啤啤佢啦~
豉椒炒聖子我一定炒得好食過佢囉~
鮮蝦上湯伊麵蝦好新鮮又彈牙上湯味道就削D喇冇乜味
生炒骨夠鑊氣車爸爸吃酸了點但我愛啊不錯~吃飽打道回府~
夜晚的摩天輪一樣提不起興趣去搭呢!!
喺長洲小敗的耳環&手鈪多謝車爸爸送的小禮物
師拉梗係敗呢D啦生晒蝦乾$150/半斤,黃花魚子$75/袋
大家睇下車車搶食蝦乾有幾狼便知那蝦乾有幾好味啦~
|
