19 APRIL 2015(SUN)

，體驗一下紙品傢俱有幾好玩~

一望見個門口就已經覺得好吸引，因為除左門閘之外，其他都係用上紙品做裝飾呀~

PaperWorld係Korean Corner旗下一間以環保為主題的紙製創意傢俱專門店，佢地全店所有紙製品都係100%韓國設計及生產，並且通過多項國際安全測試，既安全堅固，而且仲好得意添。 

唔嚟參觀都唔知，原來紙製傢俱種類都有好多~

我最鐘意就係依兩個，啱晒小小豬用嚟放佢啲圖書，好想帶晒佢地返屋企呀~

就連好精緻嘅小吊飾都係紙製呀~

不過講到最吸引，一定係依一個巨大嘅恐龍滑梯~

小小豬又點會放過呀，盡情地"SIR"來又"SIR"去~

哈哈哈...唔止小朋友，就連大朋友都可以玩埋一份~

另一樣吸引嘅就係依間小屋仔~

唔好以為佢只係得外面，入面仲好細心咁設有一格格位置，方便小朋友擺佢地啲心頭好入去陪佢地玩呀~

依一套小朋友枱凳組合，貼上唔同顏色嘅防水紙再配上哈哈笑圖案，真係好可愛呀！唔好睇佢好輕身以為唔受得力，張凳仔係可以承受175KG呀~

勁可愛嘅蘑菇凳，真係唔可以睇少佢，可以承受300KG，所以大肥豬都可以舒舒服服咁坐上去呀...哈哈哈~

玩左一輪，小朋友們就由非常有愛心嘅老闆娘帶領下，係可愛嘅生果圓枱進行小手工工作坊。讓小朋友自己利用一些廢紙，DIY拼合做啲小玩意~

小朋友們專心做手工，我地家長就周圍行去八卦一返啦~

原來PaperWorld除左推出紙製傢品之外，仲有好多唔同種類嘅產品呀~

一望到依個我對眼即刻變成心心，亦令我一下半場EVENT不停15/16~

我之前都係勁想買玫瑰煲，不過有啲朋友用過話麻麻地，所以一直都係得個諗字。到我見到依個煲時，一嚟粉紅色啱我口味，兩嚟店長又好詳盡咁同我講解依個煲嘅特式，就係咁...我決定買佢返屋企。我15/16嘅只係買大煲定細煲呀！(哈哈哈...估我最後係買大定細 ?)

仲有依個手指膠套我都覺得幾得意，而且仲好抵，十蚊唔洗就 已經有30個，用嚟套住姆指同食指，咁食薯片...爆谷...炸雞時就可以乾乾淨淨，仲好方便添~

哈哈哈...我地八卦完，亦都係小朋友做完小手工時間，依個就係小小豬嘅手作仔，佢話你摩天輪嚟呀~

不過我都估佢係應該未完成，因為掛住同小朋友一齊玩嘛~

小朋友玩得開心，我地大人都一樣，因為有抽獎遊戲，我仲抽中左以可愛嘅意粉及餐具圖案紙製磁貼~

最後老闆娘仲同我地介紹依間咁可愛嘅小紙屋，黑漆漆的環境再加上射燈，就會變成好靚嘅投影啦~

今日大人同小朋友都玩左一個開心下午之外，PaperWorld仲送左啲小禮物俾我地，真係非常感謝呀~

哈哈哈...等我開估先，我考慮左好耐...好耐，先決定買個細煲仔返屋企，打算用嚟炆餸。如果好用的話，到時再入手買多個大嘅，不過...我依家都已經好掛住其他嗰幾個SIZE啦！大肥豬話依個煲仔當係預早送俾我嘅母親節禮物呀...哈哈哈。等我用過後再同大家分享依個靚煲啦~

至於我抽獎得來的禮物，話咁快一返到屋企就俾小小豬佔有左，仲貼晒佢個雪櫃度呀~

貼係度都好，因為小小豬依家成日都會入嚟玩依啲可愛意粉，變相係多左時間陪我煮飯呀...哈哈哈~

PaperWorld不定時都會舉辦工作坊，如果大家都想去玩下參觀下，咁就要留意佢地FACEBOOK啦！

More information :
Facebook：https://www.facebook.com/paperworld.hk

MY FACEBOOK~


MY WEIBO~

 

MY E-MAIL~

 

 

 

其他博客區
※※ SINA ※※

※※ MyBB星級Blogger ※※
※※ 熱新聞專欄 ※※
※※ 博勢力 ※※

※※ She.com ※※

※※ WeShare ※※

※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※