抱歉,發生點錯誤。
重新載入
Itamomo Plus 意樂餐廳
May姨blog
2015-06-22
2546
0
分享
收藏
原本俾人屈去飲茶既,好彩一上扶手電梯就見到開咗間新野。唔駛焗住兩個人去食點心。




以前呢度長期係日本料理既天下,今次轉西餐,真係好啦,翠華有難啦!



早餐既餐牌都幾吸引,我地等咗兩三分鐘就有位。



唔知佢既牛角包正唔正,都係食返D我成日去茶記食既野黎對照下先。



多士加飲品,其實收$22係偏貴既,其餘既野,都係比普通茶記多兩蚊左右。



火腿濃湯通粉餐配蒜香包加餐飲,$28。





朋友就柯打咗呢個超值餐啦,一睇佢撕開塊蒜香包既架式,就知件包好新鮮,牛油亦塗得夠。通粉好彈牙,確係我杯茶。湯就係茶記傳統,以忌廉雞湯開出黎既湯底。



我梗係食煎豬扒啦,又腍又滑,咪睇煎蛋個樣好似好衰咁呀,蛋白熟晒,蛋黃流心架,最正就係咁,煙肉就略肥。我呢個餐,蒜香包就得半件既唧。



唔記得叫人走汁添,我一向唔鍾意汁既,我覺得污染我把餐刀。



呢堆伴菜抵讚呀,竟然淋咗日式芝麻醬,有誠意。D茄汁豆亦唔會係雪到凍冰冰咁畢俾你,應該係室溫就咁開罐頭就畢出黎既。如果佢坐暖咗就更好。



呢杯茶亦及格,起碼高水準過燉奶佬果杯。



鹽同胡椒粉就用有汽礦泉水既樽改造既,廢物利用,都唔錯吖。




我一定會返轉頭幫趁,試埋佢既晚餐既。


============================================

感謝 May姨Blog 提供以上資料

May姨Blog的網誌: http://maylibibi.blogspot.hk/


============================================

~END~
商店 意樂餐廳 Cafe de Itamomo (屯門店)