貪新鮮兼食海鮮大既我當然要試下啦：）

淨係個勢都贏左啦!!!係咪?

今次去左位於大坑既九重鮮，呢到附近真係唔少搵食既好地方，久不久過黎行下，其實真係別有一番風味。

放底個袋先，韓國好興將個袋放入張櫈入面...邊個唸出黎架?

拎野勁唔方便囉，特別係你食到成手野想拎張紙巾既時候...

但又幾有韓味既...

返正題，首先要介紹下海鮮九層塔既食法。

人參同雞，再連埋D米放底，唔洗落水架。

靠蒸海鮮既「倒汗水」滴到落底整成粥水XDDD

Well～我知咁形容係幾聲客，但事實上D「倒汗水」就係精華所在。

每張枱都有個沙漏...係幾多世紀前既產物啊!!!

5分鐘要倒轉一次黎計時＝口＝

大家都係拎返新電話出黎算啦^^"

第一層等最耐，如果有碟魚生食住等會開心好多囉XP

等既時候會聽到底層D米彈彈下既聲，搞到人地好心急囉～

不過魚生就無啦，前菜頂住先啦!

等左成十幾二大分鐘，第一層終於食得啦!!!

得5隻大蜆，完全唔夠喉。

味道就一般啦，都新鮮，不過偏淡口。

唔續層講啦，最好食既4層!

第三層，海中蝦，雖然剝蝦殻比較麻煩，但鮮味十足，蒸到岩岩好，加埋個柚子豉油，清新得黎夠哂嫩。

第四層，青口X蟹，青口雖然有少少過熟，但味道搭救。蟹SIZE細隻左D唔夠啖啖肉，但呢個係我一向既最愛，肉蟹更是大愛，所以照Like：）

第五層，花甲，鮮味十足，仲要無砂個下震讚，食極都仲想食，旁邊個幾隻大蜆就算把啦^^"

第六層，鮑魚，咬落好彈牙，但就好似冇乜味，伴碟既蕃薯同蘿蔔都好甜好好味，一定要食埋佢。

終於開到個「倒汗水」粥水XDDD

我飲左兩大碗，真係同平時飲湯完全唔同感覺。

最後黎多個OREO冰作結，岩岩好飽到食唔落XP

總括黎講價錢同用料都合理，但有得揀我情願再俾貴D食得豪D，畢竟我食海鮮大既，呢到用料算唔錯，但唔係最新鮮個種，清蒸好易感覺到海鮮本身鮮味，少少唔夠新鮮都會影響哂成個感覺。

不過又咁講，成班柴娃娃食下玩下影下相，唔好期望太高，呢個價位就有野睇得黎唔會太肉痛，當感受下氣氛啦!