三層架雖則是港女恩物，查實三五知己，又唔想坐咖啡館，自然會選擇有三層架供應的餐廳。只不過坊間實在太多三層架是甜品為主打，遇上食肉獸或不太好甜的朋友，未免有點不公平，A A 制嘛。

B.M. 生日前pre-celebration 的Mango Tree 三層架，真係一肚氣。上星期轉試泰燒遙，餐廳為於尖沙咀諾士佛台，Mira Mall 星爸爸轉上樓梯直出第一個大廈入口5樓，易找的。

甫進泰燒遙，招牌十分醒目，三點開門，大家勿太早上去。是次三人行，本來四人行，有人甩底。我們點了一個三層架，另加兩個tea set，分別是海南雞飯及冬陰公湯檬。(利申: 兩個未食lunch，所以不多啦！)

三架層先到，等了大概15分鐘，很合理。兩層咸點，頂層甜點，作為late lunch，加上偏好泰菜，一上枱就兩眼發光！

先講底層，是燒烤併盤，有沙爹、豬頸肉、蝦。最欣賞店方一上菜先教曉你醬汁mix  match，如何以店家自家製醬配架上的小食，非常細心。沙爹串係唯一一家我會棄沙爹醬齋食的，因為醃肉功夫非常到家，有清新的香茅味，非常juicy。沙爹醬反而會搶走串燒本身的味道。豬頸肉軟硬適中，B.M.非常少食豬頸肉，怕肥，這天配上開胃醬汁也食了幾片。

中間一層是冷盤為主，開胃的前菜。柚子蝦沙律好新鮮!!!!!!另外兩款B.M.怕辣由老公試啦！佢梗係話yummy yummy 啦！

甜品係重點，對我來說，係。XDDDD幾款不同味道的西米糕，比外面的大三份一，係飽肚0架。不過，個人最愛都係斑蘭味同原味。如果無粟米更好。不是老公係粟米怪就梗係多多無區啦！ 個斑蘭dipping無得頂，咁都俾佢諗到！衰在麵包條不夠多。XDDDD 有散點就好啦！

由於兩個未食lunch，所以多叫兩個tea set，海南雞飯真心推，誠意之作！無骨是泰菜特色，質素比曼谷MO及香港MO的要高。驚訝吧?

好，壓軸是冬陰公湯粉，湯底清澈，證明夠正宗！不正宗冬陰公是紅底，因為煮湯過程加了茄膏，原因多數是因為要濃味蓋過雪藏海鮮不夠鮮的缺點。要知道泰國菜系強調食材要新鮮，不會多加調味，盡用天然調味如香茅、南薑等。雜錦海鮮煲出嚟一定鮮，微辣對正我胃口，夏天很開胃的。

下回分解泰燒遙另類主打！