12 JULY 2015(SUN)

，成個小馬路咁，玩到豬仔唔願走呀~

依度係邊？咪就係秀茂坪交通安全城~

我成日都以為交通安全城只係開放俾幼稚園或者初小參觀，原來依家會於星期六、日及公眾假期開放俾公眾參觀玩樂，所以就帶小小豬嚟玩轉啦~

依隻傻豬仔一嚟到已經急不及待要玩啦~

嚟到交通安全城，當然要等小小豬學習一下道路安全，同埋仲有使用道路者守則，依個咁重要任務當然係交由我家嘅教育部部長負責啦~

睇住佢地兩父子模擬過馬路，都真係幾好笑呀~

整個交通安全城都真係好似一個小馬路，大大小小嘅路牌、斑馬線、馬路的行車線及迴璇處都好齊存~

其實啲交通燈都會著的，但只限有工作人員在場，所以可以著埋就更加好玩。唔緊要....假日嚟玩就唯有我地家長聲控啦...哈哈哈~

仲有埋停車場添~

除左路面上的設備，仲有行人專用嘅天橋同隧道，像真度都好高呀~

係依個咁好玩嘅地方，依隻貪玩豬玩得不知幾開心，一時叫我扮行人等過馬路，一時又扮紅綠燈，真係俾佢笑C呀~

係我地離開時，俾我發現到張告示，OH....NO....原來我地今日係唔合格呀！公眾開放係需要自備單車，而單車就只可以係三輪車，我地今日其實係違規。

不知者不罪.....所以下次我地會帶三輪車嚟啦~

依一個小小地方我地都玩左差唔多一個鐘，走嘅時候小小豬都極度唔捨得，仲已經講定下星期要再嚟添。依度又真係幾好玩，我想如果一班小朋友嚟，一啲扮行人，一啲扮司機，咁應該會仲好玩。

除左秀茂坪交通安全城之外，北角、屯門及沙田都有交通安全城，同樣都係公眾假期對外開放，有興趣朋友仔都可以去玩呀(記得自備正確嘅三輪車呀)！

溫馨提示：依個場地係唔可以泊車的，所以各位家長如果渣車前往，係需要泊係附近商場嘅停車場呀！

MY FACEBOOK~


MY WEIBO~

 

MY E-MAIL~

其他博客區
※※ SINA ※※

※※ MyBB星級Blogger ※※
※※ 熱新聞專欄 ※※
※※ 博勢力 ※※
※※ She.com ※※

※※ WeShare ※※
※※ theZtyle ※※

※※ U-Blog ※※

※※ SeeWide ※※

※※ BlogSpot ※※

※※ BK Milk 親子語 ※※