一月最後一日約了一班朋友去踏單車

﹐因為其中一個朋友的女友要補鐘﹐佢都係踏過一兩次﹐所以我地就揀短程一D gei 路線﹐十二點左右先係大埔 火車站集合食D野之後再去附近單車鋪租車

﹐其間有鋪頭話 $35 全日有交易﹐不過其中一位朋友星期六先來過﹐佢話佢租果間D車都幾新同價錢幾合理。

於是我地一行八個人去到朋友昨日租的單車鋪﹐不過老細開價 $70 一位﹐嘩﹐貴左D咁 wow 

跟住朋友話呢度咁多人﹐而且又有其它鋪頭開價 $35﹐再讚下佢地D車靚又話昨日租過唔錯再來幫襯﹐最後成功講到 $40 每位

檢查好﹐就過去附近公園補下鐘﹐朋友細心幫女友補鐘﹐讚啊

﹐大約 45min 後補鐘完畢﹐我地出發啦﹐由大埔海濱公園踏去大美篤

大埔海濱公園地標﹐因為星期天﹐公園入面都泊滿人

單車徑直頭係超級多人...... 太多人都係踏得唔暢[快﹐有時有D屎o靚仔又係度左穿右插﹐都好危險下﹐有D又跟車太貼﹐又多小朋友﹐其間都見有人炒車﹐好彩冇乜事﹐所以假日踏單車又係呢D熱門地方﹐就要小心安全

今日天氣唔錯﹐唔太凍﹐係多左少少煙霞

朋友話﹐日落時候有好多雀仔係度欣賞日落﹐真係有幾百隻咁多 ga, 好鬼壯觀GA

不經不覺就快到大尾篤﹐係附近士多休息一下﹐又發現正野﹐不過佢訓緊又係籠入面

終於到達大尾篤﹐對上一次來看星星﹐估唔到咁快又再來過﹐睇下呢度都好多人來呢

好多人放風箏啊

踏去壩尾先

掛住四圍影相﹐同D朋友失散左 TIM ﹐原來佢地係壩中間休息 XDDDD

會合佢地又休息下先﹐呢架就係我今日所用的戰車啦﹐不過下次都係唔拎大機﹐因為個相機 backpack 太大﹐所以我用側咩袋..... 不過加埋水同相機﹐放係車頭個籃﹐搞到轉灣冇咁靈活﹐好彩冇炒車

休息左一陣﹐我地回程啦

去到海濱附近又 HEA 陣﹐影下日落

發射站冇雀﹐有D可惜﹐不過今天日落都好靚啊

今天好開心呢﹐簡簡單單幾小時踏單車﹐傾下偈﹐影下相﹐感受下四圍的人和物﹐幸福可以好簡單﹐其實隨處都可以得到呢

最後我地搭火車去左沙田吃晚飯﹐D 野都好好食啊﹐價錢又唔係貴﹐我地八個人叫了九個菜﹐仲每人叫了一個泰式凍飲﹐每人都係 70﹐ 非常合理呢

 泰寮泰菜館 Thai Liu Thailand Restaurant

http://www.openrice.com/restaurant/sr2.htm?shopid=5526