遊西貢【松記車仔麵、西貢咖啡餅店】 SeeWide

1 DECEMBER， 2012

又係一個HAPPY SUNDAY (big hug) 今日同老公差D唔知醒返教會，幸好我出名快手，化妝換衫九秒九（押韻啵 (tongue) ）十分鐘出門口，因為哥哥已經係樓下等埋我地。快快手，一個充滿住歌聲、感欣、快樂，但帶點眼訓既崇拜完成。我地兩個又唔跟溫家大隊，兩條友去左拍拖 (big grin)
今日我地出發去西貢，真係唸落無同老公去西頁拍拖，只係去呢度BBQ，未試過行下。今日終於有機會黎欣賞下我地既香港 (love struck)
我地坐地鐵到【彩虹站】，往西貢小巴出口一出，就到達前往【西貢碼頭小巴站1A／1S】，好快有車架！

估計大約20分鐘左右就到達西貢，我地經過【滿記甜品】後就落車。
整到咁又幾有創意啵 (thumbs up)

老公。。。等埋我

話說無頭緒，亂行，又誤打誤撞行到去小巴總站，旁邊有條巷仔，係唔起眼既，就係下面張相呢條巷仔，行入去好多驚喜，原來有好多小商店，不過眼見大多係泰式粉麵較多，我本來想食酸辣野，老公又話唔好一落肚食泰國菜 (worried) 咩道理？？？最後入左間 車仔麵店【松記車仔麵】
120209

【西貢松記車仔麵】 原來叫松記都好似好多人食咁既？有間糖水店又叫松記（唔好食但又勁多人幫襯？費解 (thinking) ）
係門口睇，老公好明顯俾佢地既氣勢吸左入去，本住一試無壞既心態就岩喇！！

一入門口，好乾淨 D餸個樣都好似好好味咁啵

都OK多野食，有個四眼哥哥仔見我拎住部相機四處影，到我地睇餐牌個陣四眼哥哥仔立即過黎介紹點叫野食，講解得好詳細，仲冷熱飲品都介紹埋 (thumbs up) 勁！！！可能佢知我會寫BLOG，哈哈哈哈！咁好服務，我地感受到。 (winking)
120207
YEAH！話咁快叫左兩碗麵，上既我，下既BILLY (big grin)
我叫親車仔麵都一定有蘿白、紅腸 (love struck) 至愛！而且呢度既蘿白好清甜，無渣 (thumbs up) 雞翼有驚喜，因為好淋好入味。老公個一碗讚大腸好味～豬手好味（但事後佢投訴得一舊豬手太貴）哈哈哈！

我地唔客氣喇

食左碗車仔麵，其實都幾細碗，BILLY不夠飽～唔俾飽佢食唔掂架～～～咁
岩經過呢間麵包店【西貢咖啡餅店】，食左先知原來好出名，D 麵包，撻都係非常好味！！ (thumbs up)

我生日想要個蛋糕～～唔史得唔得先 (tongue)

BILLY 排隊買菠蘿包，以為D人餓姐～但我行埋去影張相。。。好香既菠蘿包，係會想食架！！！！ (drooling) 大大個好靚仔！

我試左兩啖，個皮超鬆化、又胞，個包係好軟，好似有彈性，超級好味 (love struck) 一定要即買即食，先有我既感受（因為買左D返WONG's FAMILY食，夜D食咩胞都無喇）雖然＄7.5 一個菠蘿包都值既 (winking)

其實仲有個推介，就係葡撻，但佢俾左奶撻我地，不過一樣咁好味！呢個仲貴＄9一個，奶蛋漿好滑，好creamy，個皮一望就知係酥皮，超脆（我深信超肥）哈哈！不過一場入到黎，真係要食下。（我買左葡撻返WONG's FAMILY，夜晚叮熱食，同樣是脆的。勁 (thumbs up) ）

食飽行下西貢海傍

好多小船捕魚後，就係碼頭邊度賣

西貢碼頭

行到黎海鮮街，N年前有黎食過海鮮既，BUT 好貴。

全記，好熟～～好似。。。好出名？？？

BILLY見到流口水，佢至愛 (love struck)

行到去邊邊位～～

行下海傍好似幾浪漫

之後行入D街道，好多小商戶，都幾有特式。
SANTA 小攬枕，好可愛～～～

出面仲有好多胡桃夾子 (love struck)

又有新發現，【許姑娘客家茶粿】人買我又買先，哈哈！無原則就係我 (tongue)

好多款式，最傳統有眉豆，又或者最新式既斑蘭味，我就買左一盒斑蘭（包花生）、一盒南瓜（包紅豆），聽聞後者較多人喜歡

＄10一盒有兩件～

【許姑娘客家茶粿】

仲有其他特色CAFE～ BILLY唔俾我飲咖啡～～～哼！！我戒左啦 (rock on!)

行完～～～～～

又係買手信既時候，WONG's FAMILY最愛既葡撻，唔使去MACAU食啦！！！ (tongue)

小巴打算自拍，點知震到～～～～！＠＄＃＠＄＠＃ (laughing) 哈哈哈哈 JUST FUN (tongue)

120235

感謝仙蒂小溫太提供以上資料
個人日誌: http://cindylittlemrswan.blogspot.hk/

~END~

商店	西貢咖啡餅店 Sai Kung Cafe & Bakery


抱歉，發生點錯誤。重新載入


(0)	(0)	(0)