最近突然愛上左飲冬蔭公湯同泰式生蝦，所以都多左食泰菜。呢日放工就同S先生入到黎出名多泰國餐廳既九龍城，仲揀左小曼谷黎做晚餐，據說小曼谷已開業近14年，算係泰菜餐廳中既老店呢。

而且行到面口見到個吹氣公仔好搞笑，隻手會一路擺下擺下，好似叫你過黎咁，好好笑，令人印像深刻。

餐廳環境的裝潢相信係特意設計，比平時的泰國餐廳來得新潮，電視更一路播著像是泰國明星既MV呢，相信是走年輕化路線，卻又不失泰國風情的味道。

一杯一碟，都印有餐廳自家的Logo。

叫得燒烤屋，餐廳除左一般泰菜外，仲有唔少海鮮BBQ類，像燒大頭蝦、燒雞、燒羊架、燒蟶子皇等都有，賣相屬中間位，熱賣既更有相片睇，款款望落都好吸引。

大熱天時，一坐低即刻叫左杯奇異果沙冰 $28，沙冰新鮮即榨，飲落清涼又清新；友人點的杯珍多冰 $30，就稍甜左少少，不過椰汁味真係好濃郁，內裡既粉條都頗有咬口。

'

冬蔭鮮蝦雲吞湯 (6粒) $98

一見到餐牌上有冬蔭公雲吞湯覺得好特別，就決定試下喇。其實同平時既冬蔭公湯無分別，就係入面放左六粒雲吞，每隻雲吞入面都有唔少蝦肉係入面，蝦肉咬落都好爽彈，確實唔錯。

冬蔭湯既味道算係比較溫馴易入口，少辣卻惹味，有頗香既香茅味，有時又會飲到就咳就咳，好過癮，小妹很喜歡呢個冬蔭湯!

極上燒安格斯西冷牛小排 $128

第一次係泰國餐廳食西冷牛小排，上桌前已細心的切好一條條，方便享用；外層燒至微焦，能見到內裡粉嫩既肉質，望到已好想立即試!

牛小排咬落頗爽口，牛味頗重，每件都帶有脂肪位，愈嚼愈香，就算唔沾醬都滿惹味呢。

小曼谷五星燒雞 (一隻) $198

小妹一向都頗鍾意食雞肉，呢度既燒雞燒至外皮金黃色，皮脆金香；由於燒雞有醃過，就算光食雞肉都有味道，如果唔夠味，仲可以沾所提供既泰式醬汁，肉質尚算滑，唔錯。

小曼谷原隻芒果糯米飯 $58

飯後甜品梗係要食個椰汁糯米飯喇，原隻芒果上桌，賣相超吸晴呢! 糯米飯更分為黑糯米同糯米各半，可以兩款都試晒，仲要入面微熱，食落軟糯煙韌，配埋椰汁食，超滿足呢，不過就嫌芒果肉未算話好甜。

飯後更有送贈小甜品呢，泰式千層糕、椰汁西米糕、及椰汁大菜糕，味道都唔錯架。

小曼谷海鮮燒烤屋

地址: 九龍城太子道西398號御太子地下1-3號舖

電話: 2716 7868

營業時間: 星期一至日: 11:30-01:30

================================

(喜歡的，請按讚支持，是給我很大的鼓勵啊 )  

Connie's Food and Life Corner

   

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================