前排在OR新餐廳名單裡看到在油麻地開了間新Cafe，被名稱吸引了，這樣的名稱，心想會否有台灣Cafe般的影子呢！？再看看餐廳所提供的食物，薄荷椰香雞翼、拿破崙千層蘇，看上去不錯嘛！所以很快便約了Y小姐一起去試試！

這天神秘嘉賓D小姐加入我們的覓食團，不幸地Y小姐因工作關係要晚點到，所以便和D小姐先到Cafe坐坐，一進門，驟眼看看，環境滿寬敞舒適，大部份均以梳化代替了椅子，整體還滿有家的味道；周圍放置了不少可愛的擺設，牆上亦吊掛了飛機造型的燈；當然少不了提供各種雜誌及遊戲給客人選擇，由於人流不多，感覺特別悠閒。

據說，店子剛開業三星期，人流不多，當天約6:50到達，加埋我們只有兩檯客人；
看看餐牌，只有4頁紙，已包括了小食／意粉／點甜及飲品。選擇不多，由於想等埋Y小姐才試甜品，所以我們先點了兩客小食；小食和甜品的價錢不貴，$3X~$5X便有交易，另外意粉類是以Set做單位，$108 (包一杯飲品)。

薄荷椰香雞翼 $30 
光看名稱，這道雞翼的味道好似很特別，相信有椰香味的應該不錯吧！？當初也是被這道雞翼和拿破崙吸引而來的。雞翼一客４隻，熱辣辣的雞翼炸得十分香脆，上面白色的醬汁就是薄荷椰香，不過試一啖之後便覺得兩者並不配合，我們只嚐到有少少薄荷的味道，椰香？不知去那了...就是吃了一口香脆的雞翼後，突如其來那薄荷的味道，抱歉，我真係覺得好麻麻囉！..(D小姐還說像黑人牙膏的味道！）

其實不落醬汁這雞翼的味道還不錯，如醬汁能和雞翼分開，那不是更好嗎？

芝士法式焗薯條 $30
薯條用上了薯角，份量不少，上面加了少許蕃茄蓉、香草及芝士粉調味；熱辣辣的薯角食味不錯，配上一碟忌廉芝士醬，果然十分飽肚。

當吃完這兩個小食後，Y小姐終於放工了！一心趕來諗住可以品嚐一下甜品，怎知道原來這裡７時後，每人的最低消費係一個 Set (就是$108的那個意粉set)，頓時傻眼...剛吃完兩個小食，還想繼續吃甜品，那怎麼每人叫一個意粉呢？你話每人最低消費一杯特飲都還接受到。 然後有位像是店主的問訂位時無人講比我地知嗎？我好確實回答「無」！無就係無，但係佢既眼神比我既感覺好似難以至信點會「無講到」囉，頓時無言以對。

既然我地唔知道有呢條規矩，又唔係我地既錯，我地又唔係無食野，仲想再叫甜品食..如果有禮貌既應該都唔會要客人走吧..? 況且當時成間店都只有兩檯客人(包括我們)，人唔多，坐左一個鐘都無，唔使做到咁呱？真係無奈又無癮，立即賣單走人。

難為Y小姐匆匆忙忙的趕來，剛好在樓下遇上，把這情況告訴她..唉，只能說我地唔好彩吧！

建議：店主在接近晚上７點時前入席的每檯客人說明有最低消費會更好！避免造成不必要的誤會!

玩具小屋咖啡室  CUBBY Cafe
地址：旺角彌敦道570-572號基利商業大廈901室
電話：5612 3773

============================================

感謝 糖小妹 提供以上資料

糖小妹的網誌: http://concon2016.blogspot.hk/

============================================