日日都有食神♡Baby food Cooking Class@Food Lab X 法國大廚Louis
|
|
余媽媽手記
2015-08-01
922
2
|
為左想增進廚藝兼且學習一些新菜式, 余媽媽早前專登去左Food Lab Hong Kong 拜訪法國大廚Louis~
其實每逄星期六10~11am, 呢間位於粉嶺的Food Lab餐廳 都會舉辦免費Baby food cooking class!
參加其他地方舉辦的cooking class 多數要收費, 呢度竟然免費, 實在太吸引了!
入到餐廳已經覺得佢嘅設計時尚且有格調, 佢係工廠大廈林立的地方出現, 像沙漠中的綠洲, 真叫人驚喜又興奮^o^/
呢度都有一些健康食品,
好多都係天然和有機的,
就連餐具同製作器材都有得賣~~~
。。。。。。。。。。。
時間差不多喇! Louis叫大家埋位準備, 開始上堂~
當日, 我地學整一款大人細路 都啱食嘅健康怡靚羹!
余媽媽之前係Friso嘅cooking party 學整左幾款好有特色嘅baby food(按此回顧文章)~ 相信今次參加呢個cooking class, 又再一次能讓我眼界大開!
呢度嘅課堂雖然係用全英文進行, 但加埋Louis嘅 body language和示範, 一定跟到點做!
大家唔需要奇怪點解個場無爐無煲, 因為大廚Louis全程都只係會用呢部 Babymoov Nutribaby 五合一營養攪拌蒸煮器, 就可以製作好呢碗美味可口嘅靚羹喇! 犀利!!!
不過就算家裡無呢部機都唔緊要, 只要有blender和煲, 都一樣整到㗎! 余媽媽平日都經常用同類嘅 蒸煮攪拌器去整baby food俾余小b享用~
Food Lab早已為我地準備好食材, 全部都係好新鮮嘅蔬果嚟! 用來整湯一定好鮮甜~
Louis 先幫我地加少少水落去Nutribaby的底座備用~
當日大家第一個任務就係將材料去皮砌好, 放晒落部steamer, 蒸佢幾分鐘~
接著, 將已蒸好嘅食材連汁放晒落blender度, 加入牛油一齊攪拌~
之後, 再加入少量牛奶(通常整西湯都會落d) 和天然海鹽再開機攪一攪~
大人靚羹完成喇! 色香味俱全~ 我偷偷地食左幾口, 真係好清甜喎!
味道同我上次到高級餐廳飲嘅湯好相似! 原來自己係屋企話咁易就整到, 今次余媽媽真係超有滿足感呀!
等我倒出一部份, 留番俾自己和余爸爸慢慢享用先~
淨番嘅部分就加入兩湯匙米糊, 經快速攪拌後就成為了余小b當日嘅lunch喇! 「一雞兩味」, 快。靚。正!!!
加上, 顏色咁鮮艷奪目, 小朋友一定好喜歡^0^
只要番去再轉換少少材料, 又 可以炮製出另一款美味靚羹喇! So easy!
睇見余小b食得咁滋味同埋佢個滿足樣, 就算余媽媽要早少少起身去上堂都值得嘅!
其實大廚Louis好nice好風趣㗎! 有時仲識得搞氣氛, 逗BB笑~~~
係短短一小時嘅Baby food cooking class中, 余媽媽就看得出Louis對煮野食有一份熱誠~
佢堅持用上優質嘅食材, 就算係調味料都一絲不苟, 要用上最健康的! 食佢煮嘅野食應該是種健康的享受吧!
如果大家有興趣參加呢個免費 baby food cooking class, 都可以去佢地facebook報名㗎!
我仲知道法國大廚Louis會係嚟梗嘅 荷花BB展即席教大家炮製美味Baby Food添~~ 想學整BB餐嘅媽媽們記住唔好錯過喇!
有關Food Lab Hong Kong:
Facebook專頁: https://www.facebook.com/pages/Food-Lab-Hong-Kong/437148993110875
餐廳地址: 粉嶺安樂門街26 號
相關文章 (BB食譜分享): 【寶寶第一口滋味Cooking Party ---附:多款營養食譜及製法】 【蔬菜雞肉薯蓉】 【三鮮伴肉碎貝殼粉】
以下是余媽媽と余小bのFacebook啊~ |
商店 | (已結業)IPC Foodlab / IPC++ Foodlab |