終於放暑假(2日大假咋一一 ''')，跟同事s入元朗，她大力推介我食醉雞米線，一來出面少見，二來爽爽的醉雞堅好食。爽爽的醉雞分兩個價錢，冰鮮$32新鮮$47，我一場來到，當 然試下新鮮，我叫了個新鮮醉雞河，同事s叫了個新鮮醉雞米。可能比較少人叫新鮮，等得比較耐(很多人叫冰鮮的一早就到)

爽爽的醉雞和河分是分開廚房處理，他們會夾好時間一齊上，一個姐姐右一碗雞另一個姐姐左一碗河，一齊上。先試河粉湯底，湯底好清但好有雞汁味。到主角醉雞，有7至8件雞，冰冷的雞肉仍然嫩滑，酒味不太重，將酒倒入河粉食仲正，雞皮爽口，不油膩，連戒左食雞皮的我都破戒。