抱歉,發生點錯誤。
重新載入
[元朗-坑尾村] 屏山老地方 . 味道百變肉餅王 | 特登去試榴槤味,又幾過癮喎
糖小妹
2015-08-12
1552
0
分享
收藏


大熱天時,小妹同他竟然咁有恆心走去元朗坑尾村覓食,之前就去過同樣係個邊既華嫂,好彩時間尚早個時唔使把排隊。而今次就去近期幾出名既味道百變肉餅店,屏山老地方

初時小妹並唔知有呢間店既存在,都係得同樣鍾意覓食既報料先知,據聞最出名又特別既係餐牌上無寫出黎既水果肉餅,包括係榴槤、荔枝同芒果味,今次都係為左前者而來的。


我地入到元朗再坐輕鐵去坑尾村,一落車轉右行3分鐘就到喇,後黎先知原來我地今次去既呢間店係分店黎,華嫂隔離個間係總店,不過講到位置都係新既呢間比較方便。



十二點幾入到去,坐位唔多,人都唔算多,不過就見到唔少人黎買外賣,叫親都係肉餅,肉餅餐加埋飲品都係四十幾蚊,都唔算貴。



餐牌上既肉餅款式真係好多,好似黑椒香蔥味、咖哩雞肉腸、麻辣牛肉同黑蒜豬手等。仲有埋每日精選,花多眼亂,每款既價錢都會有唔同,唔知邊隻最好味呢?!

除左肉餅之外,仲有自選麵食,一般既公仔麵餐、三文治、烘豬仔都有。

一場黎到梗係叫返個隱藏版既水果肉餅,本身想試荔枝同榴槤味,但原來荔枝唔係成日有,而榴槤味肉餅當我地落完單後竟然賣剩一個,可想而知再晏點黎應該就無晒呢個味道。另外再叫個麻辣味肉餅,一人一個可以齊齊分享。

咁熱既天氣,梗係先黎杯凍冰冰既凍檸茶涼下先啦,而家咁睇見都想飲返杯。





先黎既係香辣肉餅,呢度既肉餅唔係一貫既蒸肉餅,係兩面煎既,煎得夠香口,咬落又多汁唔乾,加埋麻辣既味道(唔係太辣),真係可其惹味。肉餅一路切黎食,辣汁會一路滲去底下既白飯度,真係配飯一流。

等左幾個字,主角榴槤肉餅終於黎喇。水果肉餅同頭先個款有點唔同,因為係兩塊肉餅中間夾住果肉,頭先食個個係一塊過既。



同樣煎過既肉餅,內裡夾住唔少榴槤蓉,榴槤味頗重的,又甜又鹹既味道其實幾特別 (有些人可能會覺奇怪),但小妹覺得可以一試啊,下次仲好想試埋芒果味呢,不過感覺都係香辣味配飯較好。


屏山老地方
地址: 元朗屏山坑尾村42號地下
(港鐵天水圍站 D 出口, 步行約7分鐘)
電話: 2304 3288
營業時間: 星期一至日: 08:30-22:00

================================

(喜歡的,請按讚支持,是給我很大的鼓勵啊  


============================================

感謝 糖小妹 提供以上資料

糖小妹的網誌: http://concon2016.blogspot.hk/


============================================

~END~
商店 屏山老地方