抱歉,發生點錯誤。
重新載入
2011年第一日行山 - 烏蛟騰艱苦之旅
vi老篤日記
2011-01-03
799
0
分享
收藏
今日參加咗東北縱走既23公里體驗賽。首先一早已經因為iphone 嗰鬧鐘失靈,令到我唔知醒起身,所以遲咗少少先到達大埔墟。好在都趕得切搭車入去烏蛟騰起點處。

9 點半起步,我哋由烏蛟騰開始出發!噢!其實起行既地方,就係上次影相團既地點,不過過咗條溪就向左行姐!開始呢段路真係非常平坦易行,同埋條路夠闊,如果 有人要跑過你頭,你都唔駛好驚咁避!但係同樣影相景點唔係咁多,無咩特別!我哋稍為停步影相係一個有幾棵紅樹林同埋一個灘既地方!繼續行都係超輕鬆。

大約11點,我哋到第一個Point - 三椏村,跟住繼續都係好平坦既路。同埋同挑戰組既朋友行既路唔同啦!佢哋會去梅子林入荔枝窩,我哋應該沿山腰或岸邊行去荔枝窩,所以真係好輕鬆。去到荔枝窩既時間係11點8。 荔枝窩我真係未去過,成日仲話好猛,真係有d驚!


係呢個point,我哋聽到得3隊體驗組過咗我哋頭,我哋仲懶勁話要行快d添!點知就奶嘢啦!因為離開荔枝窩條村,開始係上山路!原來呢兩個point中間段路要上300米跟住又落返300 米先到下一站,撞鬼!

一開始起步都ok,點知真係狂上石級上山,都叫ok,只係冇之前兩段咁易姐!上咗大半個鐘,見到d 景物啦!好多高樓大廈,不過唔係馬鞍山一帶,一岸之隔,對面已經係沙頭角,佢既高樓真係估唔到咁多,仲可以見埋鹽田港,同埋嗰隻軍艦。

行多一陣就到烏蛟騰最高點,山火瞭望台。跟住之後都未開始落山,反而過咗一個好短既竹林,再之後居然要穿過d草叢,十足我哋嗰次行蚺蛇尖咁,移開d草搵路行,如果唔係中間有人係度指示,我會覺得自己行錯路lor!

行 草叢其實都行咗好耐,行成4個字先離開到,好在咁凍姐,我真係驚有蛇行出嚟!過埋之後又上咗少少梯級,開始落斜啦!不過估唔到條路咁斜仲要係沙石路,但係 我都有少少發咗癲,攞住部機好輕鬆咁行咗落去,反而carol 又超慢,佢最驚既路又嚟,好在無行富士山咁長姐,不過佢仍然起水泡!

咁樣行落山都行咗半粒鐘,當然未致於全條路係咁,但係都幾斜,行山棍真係唔少得!

落完山已經係鳯坑家樂徑,沿水邊出去就係雞谷樹下,係我哋第三個Point!呢度有好多單車隊休息添!我見到士多,相量後我哋亦停歩,坐底飲可樂食嗰麵 先!食完再起行去鹿頸,時間大約兩點半鐘。呢段路都要上300米咁高,不過唔知係唔係食飽嘢!真係想講我已經充滿力量,所以完全無問題。但係發覺呢段路真 係無咩睇,都無咩點影相添!仲要行幾耐先去到嗰唔起眼既check point!唔怪得不停提我哋第四個point無補給啦!

跟住繼續行居然聽到車聲,好開心啦以為到,d工作人員都話過埋馬路,入去八仙嶺自然教育徑,行2公里就到。可能真係行咗成6個鐘,真係有d攰,所以覺得行極都未到。最後見到有條小瀑布,係我上次影嗰條。噢!終點在望!

去到終點攞埋嘢食,跟住仲有張証書攞返。我哋用咗7小時31分完成。其實扣除食麵既時間,我哋行咗6個幾鐘,即係每小時行3點幾公里,真係唔算快添!不過都叫完成啦!我哋嚟緊呢幾個月真係要練習多d,6月要挑戰神山架!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








~END~
商店 烏蛟騰