抱歉,發生點錯誤。
重新載入
行山 - 河背水塘
vi老篤日記
2009-04-05
1392
0
分享
收藏
今日第一次同Karen去行山,佢一早打嚟話佢朋友放飛機,問兩個人去唔去,我緊係話去啦!次次我都差唔多係兩個人行啦!我哋約咗十一點係荃灣地鐵站等,跟住就搭51號巴士去到郊野公園站落車。
跟 住就見到漁農署d地圖,但係d路就係指示行去河背水塘,而我想行去田夫仔落深井。不過得一條路,我哋就照行先,行咗一陣就見到荃錦自然教育徑,跟住就沿上 山既路行。今日一開始無咩點睇錶,所以唔知行咗幾耐望見d大廈景,係荃灣景色嚟架!但係遠景都係溕,只係好清楚望到如心廣場。
我 哋繼續向前行。我哋行既路其實都係一條馬路,不過只係俾許可既車進入,一路係咁上上落落,間中又見到有一兩個人影咁啦!行到咁上下,好遠好遠處見到嗰水 塘,但係望到一兩眼,又俾d樹木遮蔽。去到有個位(大約係行咗一個鐘鬆d既時間),見到一條分叉路,指示條小路係落甲龍徑,因為係小路,而Karen仍想 行大路,因為大路安全,所以我哋就繼續向前行去田夫仔。大路真係幾安全,行咗無耐,見到一班好似無線電發燒友係度試嘢咁,不過佢哋把聲好大,破壞咗周遭既 環境。一路行,去到大路既分叉口。向下係行去河背水塘,向上係行去田夫仔。Karen其實想行去見到水既地方,而行去田夫仔就會上山後出深井。故此向下行 去河背水塘。

行 到咁上下,就發覺條大路無路啦!十幾個越野單車人就係度停步同埋歇息,我哋就行小路落河背。其實呢條路應該接返頭先分叉路嗰指示牌,不過就miss咗甲龍 徑一節。一開始係d樹林路,成地樹葉同埋較為陰暗。Karen有d驚同埋行慢咗。行到咁上下,再有條樓梯落,落完就左右都有路,我哋見右邊啱啱有人行過左 邊就向右邊行,因為咁樣應該都安全d。但行咗一至兩個字就覺得唔對路,因為嗰水塘好似係左邊咁。當我哋折返時,行咗唔係好耐,就有兩個越野單車人仕問我哋 仲咩行返轉頭,佢話向前行就啱,仲教咗我哋點行添!果然行完嗰樹林就見到有條行人路,一條就係單車路,我哋沿行人路落山,呢條路係d沙石路,不過都唔係 好"冼"。又係咁一路行一路行,終於見到嗰水塘好近啦!

嗰水塘原來咁特別,中間有個島。我哋再繼續落山行,終於見到河背水塘家樂徑嗰牌。不過我哋就無行家落徑,因為都要成9個字。我哋沿堤壩出去,係堤壩可以好近距離見到嗰島!

出 咗堤壩,又係沿一條許可車路出去,路過咗有機農場,(有機農場要$30斤芥蘭,入場費又要$20),入到食嘢嗰位就折返啦!再繼續向前行就有燒烤場,跟住 好快就見到好多村屋啦!沿村屋出返去大路就係河背村。咁啱有加綠van,即刻上啦!出返去元朗大榮華。我哋今日既行山,係足足行咗3個鐘既!

去到元朗就食咗茶餐廳下午茶,同埋去恆香買咗盒蛋卷,就搭西鐵返屋企。

呢幾個月嚟去元朗既次數俾我一生人為多!最勁仲要連續兩個星期都係大馬路出現過,平時只係廣東道出現姐,真係不可思議!







感謝 vi老篤日記 提供以上資料

vi老篤日記的個人網誌: http://vivi-1212.blogspot.hk/








~END~
商店 河背水塘