韓燒 @ OPPA食韓國燒肉店
|
|
sky_0721
2015-03-31
474
0
|
分享
收藏
近年韓風在香港大行其道, 韓食越來越多選擇, 今次就去了位於大埔的OPPA食韓國燒肉店食晚飯. 這裡的裝修幾特別. 侍應先奉上醬汁, 生菜和三款前菜, 包括泡菜, 海帶和芽菜. 這些全部可以無限添加. 當中我最愛食海帶, 酸酸地好醒胃, 又可以幫助消化. 由於牛肉和豬肉款式也有不少, 我地又想試多幾款, 所以就點了什錦牛肉和什錦豬肉. 什錦牛肉包括牛排骨, 牛肋肉, M6和牛肩胛肉和牛舌. 除了食肉類外, 不要忘記鐵板旁邊有個位置有蛋食, 侍應先放泡菜混入, 再加蛋漿, 熟咗便可以食用. 我自己鍾意食牛舌, 所以先燒牛舌和牛肋肉. 牛舌比較薄身, 所以好快就熟, 對於我來講, 味道稍為淡了一點, 所以我會點醬汁食用. 牛肋肉肉質幾稔身, 味道不錯. 一見M6和牛肩胛肉就被吸引, 脂肪分佈平均. 即使我食全熟, 仍然是好軟身, 完全唔硬. 我自己就最愛食牛排骨, 由於這個比較難燒, 所以可以請侍應代勞. 牛排骨醃料夠味, 所以就咁食便可以. 這個好薄身, 又入味, 愛食牛的朋友要試牛排骨和M6和牛肩胛肉. 不太食牛肉的朋友, 可以點豬肉. 什錦豬肉包括豬排骨, 豬頸肉, 五花腩, 同日本豬西冷. 平日我一定唔食五花腩, 因為太肥, 但估唔到燒完後, 肥膩感覺比想像中少, 所以偶然一試也無防. 首次食日本豬西冷, 只是外邊較肥, 不喜歡的朋友可以剪走佢, 肉質唔會太硬. 豬頸肉肉質帶點爽身, 口感不錯. 這裡的鐵板設計不錯, 旁邊有個洞等多餘節油滴去碟上. 這真是豐富一餐.
感謝 sky_0721 提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
商店 | OPPA韓國燒肉店 OPPA Korean Restaurant (大埔店) |