抱歉，發生點錯誤。
重新載入
酒店三部曲
技巧樹熊 ★ ★ ★ ★ ★
2015-08-03
654
0
分享
收藏

八號風球，你覺得酒店會唔會有自助餐食呢?

有人跟我打賭，說酒店就算十號風球酒店不會開，本身約左食自助餐的今天晚上，我自己就覺得酒店一定唔會唔開，所以我決定與朋友打賭，就賭一餐自助餐吧。老實說，我覺得我贏硬，就如係澳門賭大細連開五盤大你都會繼續追一樣的信心。
2+2 café的相片 - 沙田)
颱風與我們的生活息息相關，大家都好敏感如果打風會有乜好做，本身知道今晚打風所以立即想睇戲，呢個絕對係香港頭號打風活動，但朋友的一句挑機，佢話一定冇自助餐食，據我所知，李氏力場只會影響港交所的活動，吃飯又點會影響呢。朋友咁堅定，我們想想有冇又平又唔貴又唔錯嘅自助餐，突然，靈機一觸，一通電話接到沙田帝都的2+2,唔夠一分鐘，我已得到了一餐免費的自助餐。當然，八號風球，自助餐亦都係唔會休息的。
2+2 café的相片 - 沙田)
選帝都的原因，食過一次宵夜自助餐，味道不錯，又平又抵，朋友輸得咁慘，都唔想斬到佢一頸血，這裡的自助餐五百多而又以龍蝦生蠔為主，實在抵。訂位時知道係有特別theme，更加開心。

既然打風，早走早著。

自助餐，要回本一定係食海鮮，而呢兩個月呢度個theme仲要係龍蝦和生蠔，於是老實不客氣，call的接埋朋友去又點話，打風地鐵一定好迫人，仲要成日忍受個啲四點九遲來的風球，全香港打工仔必定係地鐵迫到沙甸魚咁，於是輕輕鬆鬆鄧梓峰，的士幾個字就到，可以準備大吃大喝一番。

一坐下，不用解釋，直去海鮮的櫃檯，海鮮係第一個目標。
2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)
這裡一個角落專為生蠔而設，今晚的主角係美國太平洋生蠔，不用排太久，已經開定嘅生蠔每人三隻，非常慳時間。太平洋生蠔的質素係自助餐任吃來說質素非常高，柔軟的蠔肉creamy無比，海水味雖然不是特濃，但其光滑細膩，滑到不行的感覺令我吃左足足一打。
2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)
波士頓龍蝦雖然沒有砌成山一樣澎湃，不過全晚refill不停，大方得體，唔會好少有啲自助餐八點幾海鮮就會停止供應，呢點值得一讚，龍蝦都算肥美，大部分都有滿瀉的蝦膏，不過，人老左，從前在JW吃一打的豪情不在，今晚吃了四隻半邊的，已經怕膽固醇的呼喚了。
2+2 café的相片 - 沙田)
其他的海鮮還有蟹腳，青口，翡翠螺，海蝦等基本入場券，蟹腳雖然不是太肥美的類別，但海水味鮮味豐富，青口也是肥美的比利時款式，我最愛的翡翠螺大隻到不得之了，鮮甜之餘又厚肉，美中不足之處係有某幾粒會有沙，海蝦也是肥肥大大，蝦頭也是會有蝦膏流出，啖啖肉，值得吃完再去。

魚生的款式正常，八爪魚，北寄貝，希靈魚，呑拿魚，鯛魚，三文魚，算係非常多的款式，不過為左吃多一點，我沒有特別每隻都食，選擇自己喜歡的吃，希靈魚爽口而厚肉，呑拿魚色澤光鮮，北寄貝則鮮甜而新鮮，大部分魚生都係有質素的，並不是外間那些如爭鮮的質素可以對比。
2+2 café的相片 - 沙田)

2+2 café的相片 - 沙田)

2+2 café的相片 - 沙田)
壽司反而款式不太多，當中最吸引係蝦同瀨尿蝦壽司，其他外表一般，不過兩隻蝦的味道都鮮甜得當，值得食多舊飯去試試。

是次的龍蝦主題，基本上係天羅地網都係龍蝦為一個主角，冷盤當然係波士頓龍蝦天下全勝，但不少龍蝦味的熱食也是值得一吃的。當中，最喜歡的是濃濃的海龍皇湯，龍蝦密度高，在一口湯就能將舌頭被龍蝦包圍的情況下，可見十分足料，兩碗都值回票價。
2+2 café的相片 - 沙田)

2+2 café的相片 - 沙田)
不應咁早就食澱粉質，但嘗試過其龍蝦味之食物有保值，於是就吃呢個龍蝦蕃茄汁忌廉意粉，當然意粉韌度剛好，滲透龍蝦的濃郁味，配合龍蝦肉大大舊，也是必吃check point。
2+2 café的相片 - 沙田)

2+2 café的相片 - 沙田)

2+2 café的相片 - 沙田)
龍蝦鮮魷扒時蔬又係好似龍蝦鉗唔駛錢咁，任你攞，就驚你唔食，西蘭花同鮮魷呢個配菜當然比下去。
2+2 café的相片 - 沙田)
燒烤枱都係滿佈海鮮，波士頓龍蝦除了凍食外仲有燒烤version，燒烤上的龍蝦配合了醬汁，係另一番的景象，展現了龍蝦另一面個性，甜甜的醬汁令人更開胃。
2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)

2+2 café的相片 - 沙田)
還有當然係燒扇貝，淡淡的蒜香在扇貝裡融合起來，吃兩隻都唔夠，只怪新陣代謝慢，唔係食一打都冇問題。

燒烤部的香腸，雞軟骨，雞翼也是水準之作，最喜歡是雞翼皮煎得香脆，加上燒烤汁惹味，絕對值得試。還有最喜歡係燒秋葵，配上燒汁燒得剛好的細緻，你絕對喜歡那口感，吃四五條也不是問題。
2+2 café的相片 - 沙田)
行行下，見有員工係度跳舞，的確有少少出奇，不過原來係個一晚出一次的點題作，西班牙海鮮飯。海鮮飯沒有如平常正宗那麼粒粒煙韌，但海鮮料好足，青口，魷魚，蝦肉等絕對不係求求其其。
2+2 café的相片 - 沙田)

2+2 café的相片 - 沙田)
馬賽魚湯燴蜆，試一啖馬賽魚湯，香氣撲鼻，濃濃的鮮魚味配合了細細粒的蜆肉，鮮甜無比。
2+2 café的相片 - 沙田)
美式焗排骨，味道一流，在海鮮以外美味的肉類食物，肉汁飽滿，絕對開胃。
2+2 café的相片 - 沙田)
火腿扒同西冷牛扒都係不錯的，也是正常不錯的水準，西冷較為熟，如果medium rare上，應該會好一點。
2+2 café的相片 - 沙田)

2+2 café的相片 - 沙田)

2+2 café的相片 - 沙田)
酥炸三文魚頭，較為特別的一道菜，三文魚頭的魚肉豐厚加上秘製的日式芥末蛋黃醬，是一種不錯的嘗試。
2+2 café的相片 - 沙田)
泰式香辣醬脆肉瓜炒豬頸肉，脆肉瓜完全滲透辣味，豬頸肉卻有點肥，只吃脆肉瓜也不錯。
2+2 café的相片 - 沙田)

2+2 café的相片 - 沙田)
香草龍蝦意大利飯，呢個較為特別，飯質不是我喜歡的那種，較為失望，剛才吃過的西班牙海鮮飯較好吃一點。
2+2 café的相片 - 沙田)
吃到飽飽，甜品時間開始，吃朱古力泉是常識吧，棉花糖，餅乾同生果質素也幾好，不會像一些酒店放的那些又腍的餅乾同又乾的棉花糖。
2+2 café的相片 - 沙田)

2+2 café的相片 - 沙田)
豆腐花不是公和般的水準，但也不賴，又滑又柔軟，用木桶裝的特別有感覺。
2+2 café的相片 - 沙田)
焦糖燉蛋，甜度適中，不過焦糖不夠脆，如果脆一點感覺更加良好。
2+2 café的相片 - 沙田)
日式竹炭紅豆卷，樣子不夠討好，但味道很討人喜歡，紅豆味和竹炭味道交錯，是一個極佳的crossover。
2+2 café的相片 - 沙田)

2+2 café的相片 - 沙田)
吃到這裡都已經飽了，別人出錢，我當然不用出命，年紀大，吃少一點會健康點，最後來一杯熱檸茶，這裡的好處就是咖啡餐茶任飲，你要幾多有幾多。

嘆茶時間，望望外面，也無風雨也無晴，多得颱風，送給我一餐自助餐，送我完美的一個晚上。何時才與海鮮有約，應該是下次去尖沙咀另一間平靚正自助餐，下次再談吧。

2+2 café

沙田白鶴汀街8號帝都酒店3樓


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
人均 $550.00
商店 2+2 Cafe