童年回憶 – 荔園
|
|
3BMaMa
2015-07-03
697
0
|
分享
收藏
1949年-1997年為香港無數大小朋友帶來歡樂回憶嘅荔園 今年2015年,「重現」於中環海濱 生於80年代嘅我,兒時當然有去過荔園玩 但事實上,對荔園印象不太深 只記得自己玩過「叮叮船」 所以嚟到呢個「新荔園」,對我,算不上有甚麼集體回憶 但沒關係,帶野人一齊去呢個「新荔園」玩 就是創造我們另一段共同回憶:) 「新荔園」由6月玩到9月 由試玩日開始,好似一直劣評如潮 嫌棄大笨象唔係真,又話間鬼屋細 最最最多人都係「彈」太。呃。錢$$$$$$ 為咗了解係咪堅差成咁,開業1個星期就即刻同野人去試!!!!!!:P 天時暑熱,未行到去荔園已經要消暑~~~ 66週年。。。大我一陪有多!!!!哈哈 荔園係免費入場,要玩場內各類遊戲或攤位 只要在場內佈滿每個角落嘅「代幣兌換處」買代幣就可 弟弟玩呢個「傘兵」,嬴了一個手掌般大嘅鹿仔,已經開心C佢:) 掟階磚。。。1個代幣玩兩次 每人嬴了一排經典香口膠,哈哈 飛拖鞋,好玩!!! 同野人去荔園,主要去瀡恐龍滑梯 但佢地玩咗幾樣嘢,恐龍梯都未瀡,突然無唒心機想離開 本來都唔太知咩事突然想離開 後來佢地食咗個涼浸浸原隻西瓜之後 心機返唒嚟!!!!!(哦,原來熱到無心機:P) 註: 買嘢食,好麻煩,要買儲值卡!!!!! 離開時用唔唒儲值卡內嘅錢,可以退回 買卡同退錢都要喺「代幣兌換處」做 並唔係買嘢食嘅攤位!!!! 即係你一心去到買嘢食,但就要折反去「代幣兌換處」買儲值卡@@ 可以開開心心瀡恐龍滑梯 我最記得兒時玩過,就係「叮叮船」 最衰揾唔到我以前玩叮叮船嘅相,好想俾野人睇下!!!!! 呢個裝置矮到咁,唔知點解要夠110cm先玩得-__- 太陽落山,開始冇咁熱,舒服好多 最後餵埋大象,飲罐嘢就閃~~~~~ 整體嚟講,整個荔園玩嘅嘢唔太吸引 (完全冇人玩:P) 呃唔呃錢就見仁見智啦 (好似之後多人反映貴,所以變平咗:P) 不過市區有個樂園玩,都唔錯:) 荔園,唔知仲有冇機會「再見」
感謝 3BMaMa 提供以上資料 3BMaMa的網誌: http://www.bbbmama.blogspot.hk/
|
~END~
商店 | (已完結)荔園 |