海景燒烤家庭日 SeeWide

近排天氣寒寒濕濕，時冷時熱，加上流感肆虐，大家除咗要做足預防措施及有病記得戴口罩出街外，最緊要還是多做運動。不過筆者自問是「懶精一族」，行多幾步都會說累的人，跑跑跳跳的運動當然唔啱我，不過如果有一個地方可以讓我遠離凡囂，吸一口清新空氣、散吓步、吹吹海風、放放風箏，再加埋燒烤，咁就 perfect 喇。除咗大尾督外，再也想不到還有更好的選擇？咁又未必，筆者上個星期六就和家人去咗座落於馬鞍山、即昔日白石難民營位置的《白石燒烤場》，渡過了一個既愉快又輕鬆的週末，所以很想和大家分享一吓。
白石燒烤的相片 - 馬鞍山)

係咪有啲擔心唔知點去呢？其實來這裡交通挺方便，原來燒烤場有免費穿梭巴士提供，往來馬鞍山新港城四期地下及燒烤場地，就以上個週末為例，由早上 9:45am 開始，每半小時就會有一班車由新港城開出，大家完全無須打的。
白石燒烤的相片 - 馬鞍山)

由於來之前已經預早 book 咗間包括 10 人套餐的獨立 BBQ 屋 ($3488)，所以到達後，客人只須於這個 counter 講出預訂時的電話號碼，就會有工作人員帶你去獲編配的燒烤屋，沿路仲會見到好多人都係一家大細嚟燒烤，十分溫馨。
白石燒烤的相片 - 馬鞍山)

原來這裡的 BBQ 屋每兩間為一 pair，即 A 同 B，而每 pair 都會有一個獨立的布置主題，如巴黎、東京、肯雅、紐約等，非常之有心思。
白石燒烤的相片 - 馬鞍山)

至於 BBQ 屋前的空地，除了放有一個特别訂造的燒烤爐外，另外亦擺咗一張用來放食物的長形木檯、幾張藍色靠背膠椅子同黑色高腳膠凳、洗手盆及垃圾桶，設施十分齊全，比起許多燒烤場更加貼心。
白石燒烤的相片 - 馬鞍山)

係咪好心急想睇吓 BBQ 屋內裡的裝潢呢？原來牆身的粉飾都以浪漫的巴黎為主題，不過最吸引家中一大一小的，相信非掛牆的飛鏢及電視、卡拉 OK 等莫屬了。手痕的老公還說陣間一家人要一齊攻打四方城，吓！癡呆呆坐埋一檯，咁激？
白石燒烤的相片 - 馬鞍山)

點算吓食物先，嘩，攤到一檯都係，當中包括有彈牙海中蝦2包、紐西蘭半殼青口(6隻)2包、蒜蓉半殼帶子(5隻)2包、元朗米埔烏頭王1條、特色金沙骨2包、泰式雞扒1包、蒜香雞扒1包、香茅豬扒1 包、蒜香豬扒1 包、蜜汁珍寶雞中翼2包、雞肉腸2包、山賊雞軟骨2包、美國豬柳漢堡扒2包、原味台式脆皮腸2包、爆汁芝味芝士腸2包、海鮮三寶丸2包、甜心蕃薯6條、香甜粟米2份、水10 枝及汽水10罐，另外再加點大熱的金牌乳豬一隻 ($638)。
白石燒烤的相片 - 馬鞍山)

好肚餓呀，事不宜遲，立即開爐，齊齊開餐。嘩，乳豬亦同時送到。唔理咁多，用燒烤網承托，先燒雞翼、帶子和台式脆皮腸。雞中翼掃上蜜糖，食落香甜兼嫩滑多汁；而伴入了牛油和蒜蓉的半殼帶子，爽口得來又夠香濃惹味；加上肉香滿溢的台式脆皮腸，好正。
白石燒烤的相片 - 馬鞍山)

初頭兩個年輕小伙子仲好有心機，以燒烤叉串著三寶丸來燒，後來當然發揮懶人本色，把食物全部放曬落燒烤網，哈哈，一於來個一鑊熟，而且網燒能快速鎖住食物的肉汁，唔怕燒到食物乾曬。
白石燒烤的相片 - 馬鞍山)

至於之前提過嗰隻金牌乳豬就梗係搵人代勞喇，唔通由我這個地獄廚神親自出馬咩，不過汗水有價，代價就是需另加附加費 $200。你睇吓哥哥仔幾咁專業！據說這隻越南乳豬仔，約 35 日大、重 3.5 公斤，哥哥仔仲教路話，燒烤呢隻乳豬時，需要不停轉動隻豬身，令油分均勻，吃起來外皮便會更香脆。
白石燒烤的相片 - 馬鞍山)

燒完仲有阿姐專人代為斬件，入口外層鬆脆，肉嫩味濃，既 juicy 又有口感，烤得好有水準，蘸海鮮醬同吃，提鮮解膩，吃罷齒頰留香，屬必試之選。
白石燒烤的相片 - 馬鞍山)

當然唔好忘記我至愛的甜薯，似我吖嘛，一舊蕃薯咁，而且外皮輕薄，咀嚼起來口感幼細，粉潤厚實、鬆軟香甜，實在美味得教人想一再 encore！
白石燒烤的相片 - 馬鞍山)

飲飽食醉，也是時候四周圍逛逛，藍天白雲、大海、山脈全部有齊，好舒服啊！一邊燒烤，一邊欣賞大自然美景，真是不亦樂乎！還有其他活動嗎？放風箏啱唔啱？如果有帶小朋友一齊嚟，咁兒童彈床、踏單車就最適合不過了。至於大人，除了唱卡拉 OK，打吓麻將仔，肯定已經足以令你消磨一整個下午了！
白石燒烤的相片 - 馬鞍山)

嚟緊嘅情人節仲未諗到去邊，來這個歐陸式的涼亭，齊齊燒住野食，同另一半共渡浪漫的一刻又是否合你心意呢？，

============================================

感謝 mjqueen7e 提供以上資料

mjqueen7e 的網誌: http://www.openrice.com/zh/gourmet/reviews.htm?userid=66478&city=hongkong

============================================

~END~

人均 $433.00

商店

烏溪沙白石燒烤


抱歉，發生點錯誤。重新載入


(0)	(0)	(0)