|
今次全家坐艇啦!
|
|
問米婆
2015-05-07
521
0
|
分享
收藏
| 出海的季節開始了! 今天家人&朋友出海, 亦是小朋友首次上遊艇, 由於其他朋友第二日都要返工, 所以朋友們選擇星期日中午上船, 傍晚上岸 原來這次出海, 共有3位小童(1至4.5歲), 有咁多大朋友看住, 應該無問題吧. 以防萬一, 都係拎定小童救生衣, 上船果陣著 因為係朋友BOOK船出海, 未知行程安排 有諗過係上船前, 食定D打底, 但打聽過, 原來出海5小時行程, 已安排了船上午餐, 仲有包一個小島遊. 一於嘆個豐富的早餐, 再向TUEN MUN嘉道理碼頭出發 遊艇幾靚喎, 船頂仲SET左梳化, 看景&訓覺一流. 船內以彩色帽子作裝飾, 頗有心思呢 船行駛左半小時左右, 枱面已鋪好食物及餐具 大家都很肚餓了, 開餐啦 燒汁金菇煙肉卷 預計每人一件, 以牙籤桔好, 方便大家拎 船上飄飄下, 手中夾住的食物有可能跌落來嫁. 肥牛椰菜 椰菜OK, 但想食清D, 無食肥牛 香草雜菌酥餅 一盤有好多件, 無數過有几多件. 預計每人一件, 好在食果陣仲係暖的 (酥皮攤凍左就唔好味啦) 日式燒汁芝麻(全隻) - 味道OK 船上只提供叉+匙羹, 所以吐雞骨唔方便, 遊艇遇到大浪會拋, 有可能跌埋D雞骨落地, 或者啃親. 如果變為不用LUR骨就方便好多了. 咸牛肉沙拉醬中東薄餅 - 無食到 日式鍋燒豬柳(有茄子) 好耐未食過茄子, 這盤拖過油的茄子好好味, 好似煎釀三寶的味道 而豬扒比較硬, 要比D牙力咬開 小木船燒羊肶 羊肶全隻上, 起初因為無刀, 唔知點食, 後來有朋友搵到刀, 仲幫手CUT開呢 << -- 呢PART留比男士展示風度吧 羊肶好大隻, 外層的肉已經熟透, 而中間近骨位的肉仲有少少粉紅色 (這部份會比較嫩滑呢) 吾等老饕, 當然食中間的肉啦. 蒜蓉牛油雜菜(3磅) 牛油蒜蓉炒茄子 + 紅蘿蔔 + 椰菜 + 豆角 + 南瓜 + 菇 呢几款雜菜其實好清, 無任何調味真係好寡, 好在牛油蒜蓉夠惹味, 加上呢排想食多D菜, 翻夾2次了. 拿破崙雞絲意粉 - 味道OK 芝士焗意粉, 澱粉質守尾門, 食完一定飽 在這5小時, 遊艇由TUEN MUN駛到青馬大穚後, 再兜去大嶼山迪士尼碼頭, 碼頭欄杆有米奇老鼠LOGO, 小朋友見到好興奮呀 (迪士尼碼頭附近的白色建築物, 酒店嗎?) 大約五點上沙州島行山<<< -- 可以遠眺香港國際機場的飛機昇降喎 教小朋友了解飛機昇降, 又係擴濶小朋友視野的時間了 在遊艇上感受陽光與大海, 100%靚VIEW + 100%正FEEL. 風和日麗, 當然要不停影相, 自拍+神棍 食飽飽, 飯氣攻心, 加上遊艇飄下飄下, 咁就訓著左了ZZZZZZZ 朋友叫醒果陣, 船己經快要埋岸了 呢個星期日, 全家玩得好開心 船上餐具係膠叉, 膠匙羹, 紙碟. 遊艇行駛時, 海風迎面吹來, 十分容易吹翻紙碟, 吹走膠叉, 膠匙羹 最重要的是, 在進餐完畢後直接丟棄 個人感想: 紙碟, 膠叉, 膠匙羹係無記認, 大家好易撈亂餐具. 再者, 餐具是用完即棄, 超唔環保, 如果可自行攜帶餐具 + 餐盒, 無咁易撈亂, 又可環保 下次我會問定
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
人均
$500.00
| 商店 | 小木船 |