|
Lunch。Siamama Thai & Vietnamese
|
|
Yanomi
2015-01-30
528
0
|
分享
收藏
1月24日(星期六)~依日約左返娘家..同媽咪食生日飯 前一晚媽咪問我~如果下午得閒..過去一齊食lunch+散步 其實有d野攪既~不過見媽咪好想我去食lunch..咁是但呢 佢同爸爸話想試"Pop Corn-Siamama Thai & Vietnamese" 咁我早一日book定檯~依日12點直接約係食店門口等 食店環境簡約~我地安排坐卡檯..座位都好舒服 而場內既食客又唔會好嘈~好舒服進食一個午餐^^ ~ ~ ~ ~ ~ ~ ~ ~ ~ ~ "泰式拼盤-4人"($178) "雞肉串燒"..肉質都嫩~但個沙嗲醬比較鹹..沙嗲味唔突出 "越南春卷"..新鮮即炸熱辣辣~餡料味濃..皮層脆 "炸蝦餅"..外層香脆~口感鬆鬆有彈性..味道好ok "炸魚餅"..香料味足~口感鬆軟..味道濃香 "豬肉卷"..餡料有金不換~豬肉好夠味..整體好味 "青芒果柚子沙律"..份量少用料新鮮~青芒果都好少..醬汁較淡口 "菠蘿海鮮炒飯"($92) 唔係用菠蘿上..有d失望~飯握得好實..份量足 海鮮料都ok..但飯粒比較笠~炒飯唔夠乾身又無鑊氣 整體味道欠奉~臘腸爆透..比較香口 "青木瓜沙律"($68) 份量足..食材新鮮爽脆~醬汁夠辣夠突出 "越南滴漏咖啡(x2)"($26) & "椰青"($38) 咖啡味唔夠濃郁芳香~爸爸話個椰青好青甜 整體食物及服務都ok~地方坐得好舒適 食完lunch..爸爸返屋企~我同媽咪行海濱長廊 環境真係好正~平時爸媽都會係道跑步/散步 夜晚仲好熱鬧..好多人釣魚呢
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | Siamama Thai & Vietnamese |