|
Semi Buffet。Hay Market(喜馬當先)
|
|
Yanomi
2015-03-05
668
0
|
分享
收藏
3月1日(星期日)~"Hay Market(喜馬當先)"..本身係我搵食list中 會去試既餐廳之一~咁岩1月尾..收到"馬會"既特選客戶邀請咭 因為我本身係馬會客戶..亦有用網上服務~所以收到邀請咭時 心諗..又會咁岩想試依間餐廳有優惠(感恩)~隔幾日打去問詳情 過程好似都幾嚴謹~真人對話..除左要核對戶口又要入密碼 之後再核實返有關特選客戶既資料~先會進行打後既對話 問完詳情後..原本諗住訂2位同老闆去~不過優惠可以4位 即時用visa過數訂4位先~但當日唔出席..就無得退錢 之後打去問問爸媽~媽咪好踴躍話好..但爸爸就話唔去 所以叫媽咪早d問阿E..阿E話ok~依日約埋一齊去呢 * * * * * * * * * * 餐廳只係賽馬日先會開放~所以訂位日子較少選擇 訂座後收到2個sms~一個係免費入場..一個係訂座編號 Buffet時間由11:30am-3:00pm~食完仲可以坐到6點 我地11:15am去到~未開始賽馬..所以人流極少 中間落地玻璃係餐廳位置~開跑時..可以出露台觀看 草地賽場好靚~勁香清新草味..正! (因為我好like索花草樹木既香味 :p) 11:30am準備開始入座~先核對sms再安排座位 餐廳帶英倫風格~上層係suite及洗手間~我地安排坐左邊位置 餐廳內仲有投注區..自助買票機~同時..仲有ipad免費借用 侍應會先為每檯食客介紹主菜及自助區食物+位置 雖然11:30am已經安排入座~但食物都未開始準備 Semi Buffet除左主菜~有3個自助食物區 依個位置係麵包/西餅..生果及果汁(橙汁,蘋果汁,西柚汁) 旁邊擺設 中間有冷盤海鮮,沙律,風乾火腿,日式刺身及芝士 另一個無影..主要整"奄列蛋食物" 有方包(可即烘)/杏仁牛角酥/牛角酥/酥皮類/cupcake/小餐包等 試左依3款..整體味道唔錯~cupcake蛋糕好鬆軟 海鮮冷盤有3款..螺/青口/蝦 蝦好新鮮..肉質彈牙~青口有鮮味..但螺唔太新鮮 沙律菜好新鮮~除左蔬菜..仲有約5款已調味沙律 風乾火腿無豬羶味..但重鹹 刺身有4款..甜蝦,三文魚,八爪魚,忘了一款魚(賣相不討好..無試) 刺身係自己任取~八爪魚食左一片..唔新鮮 甜蝦最好..三文魚就普通 Semi Buffet($430起/位)~今次優惠係2人同行..1人價錢 主菜有4款選擇..其中2款upgrade需要另(+$) 飲品除左自助吧3款果汁..仲包一個餐飲 亦可以+$80(任飲汽水/果汁類等)/+$160(任飲各式酒精類飲品) 媽咪&老闆同樣點"Classic Ratatouille"(+$80 x2) 鱸魚肉質好滑..皮層帶微脆 蔬菜好豐富~醬汁味淡鹹微茄酸..整體味道唔錯 老闆點魚..咁我試個"Fettuccine Duck" 鴨胸肉整到好似吞拿魚蓉咁絲絲幼細..口感好軟滑 醬汁夠濃稠度~好足茄酸味..但略鹹左少少 寬條麵好柔軟..醬料豐富~整體味道好唔錯..好開胃 阿E點"Veal Osso Bucco"(+$60)~另一款無點既主菜係羊肉 老闆都係難敵吃牛魔力..試左少少(不過總好過點一份自己吃既 :p) 佢話牛膝好軟腍..肉味濃~配埋個醬汁好好味 食完抖陣..準備開跑就出去露台睇下~依場跑泥地 尾段準備衝線..d人就狂嗌~現場好熱鬧..好有氣氛 跑完露台d人又散晒..準備下一場賽事 餐飲..我要"熱咖啡"~好濃香咖啡味..幾滑亦唔苦澀 進餐時間..馬會會安排幾位靚女PR同食客做推廣 包括即時用app投注送咖啡劵~用ipad投注送小禮物 仲見有男士主動要求同d靚女PR合照呢 1:00pm左右..侍應再提提食客~1:30pm麵包區會轉為甜品區 甜品有啫喱,mousse,檸檬撻,蛋糕,焦糖燉蛋,朱古力&雪糕等 整體甜品質素幾好+唔太甜..甜度好ok~反而朱古力粒勁甜 整體食物~自助吧既麵包&甜品好味..冷盤&刺身普通 主菜反而好唔錯~環境幾舒服~服務方面..可能人太多 refill食物好多時要等..同埋無笑客~餐檯侍應生服務比較好 第3場跑草地 我地坐到4點準備走~臨走之前..準備開跑第七場草地 所以走落觀眾席~近距離感覺一下馬蹄聲 現場感受真係好震撼..雖然funny但又登d馬好慘 輪為人類既生財工具~因為我唔賭馬架
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 喜馬當先 Hay Market |