|
D2 Place。鵜舞(UMAI)
|
|
Yanomi
2015-01-13
325
0
|
分享
收藏
1月10日(星期六)~依早起身..老闆要去剪髮 我留係屋企攪掂晒d野~中午約定去意粉屋食lunch 聽日約左埃及之友BBQ~所以食完去街市買埋少少野 返屋企醃定d食物+醬汁~休息一陣..又準備出去食晚餐 早排搵開食店~見D2 Place有間日本菜個裝修佈局好吸引 一直想去試~加上之前行D2 Place..剛開幕好多店未駐場 所以諗住隔左咁耐..又去行下囉~不過都係無咩野行 6點去到食店~從大門步入走廊..已經好有feel(不過自動門關得好快) 原本訂座要求卡檯~不過職員話只可以安排2人座 去到見到張2人座位超窄迫~即刻無晒mood(好唔自在) 因為本身我有幽閉恐懼症(但不算嚴重)~所以空間感要夠充足 記得10年前跟團去越南~穿過"古芝地洞"後發現有依個症狀 初初入窄洞無事既~但踎底行左幾步~開始心跳得好快 好緊張+不停抖大氣~之後仲出晒汗..推前面d人叫行快d 個心發晒癲~自此之後..有壓迫感既地方~有得揀都唔會去 加上場內檯與檯之間既空間感~本身都係迫呢 天氣凍..老闆想食熱鍋~點個"江戶鮪魚大蔥鍋"($88) 個鍋份量好細..魚件約有6件~口感鞋帶點魚油香 豆腐好滑~豌豆苗清爽嫩口..但湯底極鹹(食完勁口渴) "雜錦天婦羅"(蝦x3, 魚x1,魷魚x1, 菜x5)($110) 新鮮即炸~炸粉層略厚 整體味道無乜特別感 最後..碎蔥吞拿魚腩($48) & 炸軟殼蟹($40) 紫菜脆口~料足..味道唔錯~整體食店佈局好日feel 場內播放日本傳統曲藝音樂~的確係有氣氛(但過於大聲) 同埋坐得真係好唔舒服+冷氣唔夠..好焗~油煙味好勁 開頭老闆都有mood影相~不過越食越無mood唔想影喎 服務方面就不過不失
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 鵜舞 UMAI |