|
紅山泰國菜館
|
|
Yanomi
2012-11-04
160
0
|
分享
收藏
10月27日(星期六)~依晚諗好同阿喂去食越南菜 點知佢話唔想食~話耐無去"新小菜王"想食小炒 不過上兩星期經過~見食肆拆緊..唔知裝修/執笠 但佢地本身生意好好架~食物好有水準又夠鑊氣 諗佢應該係裝修卦~依日再去..見到識果幾個員工 轉左去隔離舖~唔知係咪純粹轉舖位..繼續做生意呢 我想問下既..阿喂又話唔好~拉左我去"紅山泰國菜館" 又話好耐無食喎(咁又係..剛好一年了)~最終依晚就食泰菜囉 ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ 依間食店由泰國人主理~上年食過既"紅山泰國菜館"(click) 水準都唔錯~今次我地再叫"泰式生蝦"~份量少左3隻lu 蝦肉雖然細隻左d..但肉質好新鮮 泰汁同上次唔同..今次以青辣椒為主~味道都夠酸辣..好平均 "蒜茸包" 依個整得好味..夠牛油蒜香+外脆內軟 "紅咖喱海鮮" 海鮮料有青口,魷魚,蝦~海鮮料普通..蝦唔太新鮮 紅咖喱比較水狀~唔辣帶淡淡咖喱味..整體普通 "香茅脆炸魚" 原本阿喂想叫"明爐烏頭"..不過我ma ma地鐘意食 加上如果多人一齊食都實叫~所以2口子食..我想食炸魚 而且泰國人炸魚好叻~依個老闆娘又推介..所以試下 用原條烏頭..先起肉再炸~以大量炸香茅,乾蔥,蒜及泰汁調味 魚肉件外脆內嫩又無骨~伴上配料以及泰汁做調味 依個魚真係超好味~好香脆可口又開胃惹味..好正 連炸魚骨都金黃香脆~依個炸魚好有功架 整體食物都唔錯~係個咖喱比較ma ma呢 晚餐總消費:$344
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | 紅山泰國菜館 |