深水埗殺到o黎荃灣
|
|
愛食
2015-07-05
294
0
|
分享
收藏
今(5-7-2015 Sun)朝同男友起身後去食o野,o黎呢間開o左冇耐o既火車壽司,我o地o黎到都唔係好晏,但都已經要排隊,但好彩,由於兩個人,比較快有枱. 我o地坐低後睇,選擇唔多,價錢亦偏貴,男友要$31.00o既早餐C,雜菜俄羅斯通粉,有出爐迷你餐包,揀腸蛋,要熱咖啡. 我要$34.00o既早餐G,鮑魚雞絲通粉同樣有出爐迷你餐包,揀火腿奄列,要熱奶茶. 冇耐,兩杯o野飲到o黎, 我先加一包糖,口感夠滑,同樣茶味淡淡.男友o既咖啡我就冇試到. 之後男友o既出爐迷你餐包同腸蛋到o黎, 迷你餐包有迷你菠蘿包.煎蛋得一隻,腸蛋冇乜問題. 而我o既鮑魚雞絲通粉到o黎,睇見鮑魚雞絲都唔多, 通粉都重彈彈地牙, 鮑魚雞絲冇乜問題啦. 然後男友o既雜菜俄羅斯通粉到o黎, 我試一試,男友話呢隻辣o既,啊,咁試一啖啦,點解味道怪怪地o既?男友話係胡椒粉味.我又覺得唔似喎,雖然我少食羅宋湯之類,但真係唔係咁o既味囉.(之後男友返到我屋企,話有啲肚攪o既感覺,之後都瀉o左啲.應該係雜菜俄羅斯通粉有啲變壞喇.) 最後我o既出爐迷你餐包火腿奄列終於到o黎, 火腿奄列內o既火腿絲都唔多,口感正常冇問題.而出爐迷你菠蘿包面都仍脆,味道亦正常. 味道係2.64分 服務: 大部份都唔差,係一個最年輕o既男侍應好一般,兩個大叔就好好,其中一個重唔該前唔該後.收銀就一聲多謝都冇. 環境: 坐卡位就一定最舒適,搭枱位就會迫啲.冷氣亦開得好足.
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$32.00
商店 | 九龍餐室 (荃灣店) |