|
燒物冇味
|
|
愛食
2015-02-07
316
0
|
分享
收藏
| 女友人VL前日無啦啦話約出o黎食飯,就帶我同男友尋晚(6-2-2015 Fri) o黎呢o度食,由於我o地book o左位,所以唔使得,不過都限時個半鐘o既. 由於男友先到,佢叫o左個$30.00o既野菜沙律食住等, 沙律除o左有沙律菜外,重有青瓜同豆腐,沙律汁用上芝麻醬,蔬菜新鮮,芝麻醬又多又濃,超好味. 而我o地點o左: 1. $268.00o既牛魔皇拼盤 有極上牛肋肉,安格斯肥牛,厚切牛舌,特選一口牛同秘製牛仔骨配新鮮生菜籃 我先試厚切牛舌, 厚切牛舌共有四件,都有1厘米厚,口感唔係太爽. 其他全部都OK有問題,燒o既時候牛味濃郁. 2. $52.00o既雜錦羊肉石頭飯 端上o黎會,問我o地撈唔撈埋辣醬,我o地唔撈,另上.由於我o地食唔切,侍應主動幫我o地撈同分成三碗,撈好後, 啲飯好濕好粘,羊肉粒都幾大粒,而且羶味唔弱. 3. 後加$48.00 o既豬頸肉(100g) 豬頸肉口感唔算好爽口,亦冇乜肉味,不過燒o既時候都嗅到豬肉腥味. 4. $48.00 o既原味雞腿肉(100g) 呢個都平平無奇,不過我竟然食到鮮味. 基本上所有燒物都冇乜味,要靠蘸佢o地供應o既醬汁至好食. 而前菜呢,佢o地供應泡菜,金菇同青瓜. 泡菜辣o既,我只食少少,;金菇都係加芝麻醬,唔錯;青瓜就微酸,幾開胃. 環境: 都係典型韓燒,格局,買桶凳可以將褸同袋收好. 服務: 男友比我o地book o既時間早15分鐘到,佢o黎到時,老闆問佢未人齊,可唔可以由我o地原定時間開始計?老闆應承.而我同VL都準時到,食到中尾段,佢o地就會主動幫我o地燒同分o野食,最後重攞埋張單o.黎.當時係由男友到達後計起o既1個鐘頭20分鐘.即係個老闆做唔到佢o既承諾啦,個職員重係咁話唔好意思.我明白星期五係多人等,咁佢o地就唔好隨便應承之後又做唔到啦. 呢餐埋單$497.00
感謝 愛食 提供以上資料 愛食 的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$165.67
| 商店 | 222江南驛 (大圍店) |