抱歉,發生點錯誤。
重新載入
蛇王郊遊之日
oasiswong
2015-05-20
300
0
分享
收藏
細路時候入元朗探親, 就好似去深圳一樣, 記得當時坐巴士, 只有青山公路, 坐個幾鐘, 還要行一大段路. 今時今日, 坐西鐵, 紅磡上車, 半小時就到. 今天下午, 老闆失蹤, 我當然跟住又失蹤….蛇出來, 郊遊順道探朋友. 友人前兩年在元朗置業, 好似係甚麼咩嘢”yahoo搣湯”…..哈哈....老友再三指正我這個阿伯: "唔係yahoo! Yahoo無投資地產! 懵丙!!....係Yoho!! "…..哈哈… 佢買入時八千幾蚊一呎, 現在已經要萬二蚊一呎了. OMG… 元朗…係我心目中, 其實還是小時候的景象…田園農地…依家既地價真係發咗神經.
爺爺雞煲皇的相片 - 元朗)
我有幾無聊….? 識得我耐一定會知..., 一早來到, 友人還在路途中, 好奇火鍋店的電磁爐. 通常商業電磁爐的調教按鈕是另外置一條線, 方便放在較近客人的座位. 我也想買翻隻放家中, 方便朋友來打邊爐時用…..由我獨家控制火勢…哈哈…. 今晚用過, 感覺幾好, 上網找一吓, 有同一款, 網上即時訂了….
爺爺雞煲皇的相片 - 元朗)
兩頁紙, 一頁是海鮮和刺身, 另一頁是火鍋配料. 近年新開業的火鍋店都賣刺身, 但我是老套兼阿伯思維, 去火鍋店只食火鍋, 刺身?….我會去日本餐廳食囉…
爺爺雞煲皇的相片 - 元朗)
雞煲以中型大鑊形式上檯, 與一般湯煲不同, 如多人時, 更方便. 放了常見的洋蔥和蒜頭, 欠了些花椒和八角, 但聞落又好似有花椒的香味, 未知是否暗中調味另加, 醬汁沾在雞件, 第一啖入口, 感覺鹹度剛好.
爺爺雞煲皇的相片 - 元朗)
手切牛頸脊, 細號, $128.
之前, 家人曾經在街市的高級肉檔, 買過牛頸不同部位回家打邊爐, 肉檔老檔見家母日日幫襯, 出手又闊綽, 介紹了四、五款肥瘦不同部位的牛頸肉. 據聞牛頸脊屬於牛膊頭則的肉, 脊肉脂肪通常較均勻, 食落香軟. 今天這一碟牛頸脊, 顏色淡紅, 賣相精神, 切得長方四正, 瘦與肥部份各佔”八二”之分, 不算太瘦, 但勺熟後感覺肥膩度略減, 估計如果瘦肥七三分就更好, 不過未必適合愛瘦女士. 而略瘦的牛肉, 下水時間也要注意(食開手切肥牛, 通行勺八、九成熟, 怕死的友人例外, 他要食十成, 挑戰牙齒強度). 那這牛頸脊, 最好就是勺七、八成好了, 否則會影響滑溜程度.
爺爺雞煲皇的相片 - 元朗)
手打牛根丸, $48
原本想叫四寶丸, 見照片, 都是以鮮肉製成的肉丸, 好吸引. 但下午時經過”勝利牛丸”, 好想食, 但疑於午飯食得太飽, 無幫襯. 諗起, 好想食那種打到膠狀的肉丸. 既然餐牌上又是推介項目, 就試一試, 哼哼…推介…!?!..如果唔好食…? 投訴你囉..…哈哈… 勺好, 入口咬開, 有些少汁在內標了出來….. 唔通落錯單? 叫錯了包心丸之類..? 但咬開裡面又唔覺有甚麼餡料, 奇怪. 牛丸的牛味重, 肉質略實, 但彈牙度十足.
爺爺雞煲皇的相片 - 元朗)
蟹籽墨魚滑, $86, 墨魚滑的彈牙口感不需懷疑, 另加了些蟹籽, 用鐵匙更一勺放湯內, 最考功夫是平均撈上那些蟹籽, 友人做慣服務行業, 可真撈得粒粒墨魚丸都平均沾上了蟹籽….哈哈… 彈口之餘, 加上蟹籽卜卜脆, 好滿意. 食到一半, 才見到餐牌底, 原來有一款是”鹹蛋黃墨魚滑”, 嘩…. 鹹蛋黃?…正喎! 口味應該好特別, 好想試, 但諗起…墨魚和鹹蛋黃都是用膽固醇列表中排在最高級別…多人時, 一人一粒還可以吧....
爺爺雞煲皇的相片 - 元朗)
即炸嚮鈴, $38, 單睇外形, 就感覺到脆度非凡. 下次再來, 最好在等食完第一輪煲內的雞件才叫就剛好, 因為是即叫即炸, 上檯時還感到剛炸起的熱度. 食完雞件, 放湯入煲, 勺一秒左右, 你以為好似脆魚皮? 係完全唔同, 脆魚皮厚身, 粉狀口感, 但嚮鈴好味好多, 薄皮成卷狀, 三四層口感, 炸魚皮無得揮啦….
爺爺雞煲皇的相片 - 元朗)
店員比想像中的有禮, 下至門口派單張的大隻哥哥, 上至樓面的侍應各人, 服務態度都十分好. 尤其是招呼我們的女店員, 未知是否主管, 英文名好似叫”瑪莉”, 態度友善, 我們問題多多, 她仍不嫌其煩的解釋. 老闆請到如此伙計, 放得心落…..


============================================

感謝 oasiswong 提供以上資料

oasiswong 的網誌: http://www.openrice.com/zh/gourmet/reviews.htm?userid=85184&city=hongkong


============================================

~END~
商店 (已結業)爺爺雞煲皇