|
唔貴.... 講完!
|
|
oasiswong
2015-02-03
317
0
|
分享
收藏
| 現時香港的傳統舊店, 還未執笠的, 大多數都是出了名排長龍. 似乎香港人都幾鍾意幫襯古舊食肆喎…. 一個城市的人們, 喜歡懷舊一番, 對古舊事物有所愛好, 相信可以證明某些特徵, 就是開始對自身的歷史性有了一種反醒, 反醒後才可以可展一種更新的創意.. 今天跟幾位朋友一齊, 唔輪到我話事, 人叫咩嘢我就食咩嘢, 所以連餐牌菜名都無睇過. 小籠包, 賣相已經不太吸引, 隻隻大小不一, 入口皮略厚, 質感略為粉, 肉汁少, 唔太滿意喎. 賽膀蟹, 因為實在太肚餓, 未來得及影相, 蛋黃就已經被攪散至失踪. 蛋白炒得好味, 一舊舊入口, 夠軟夠滑…. 肯定用了很多油來炒, 太罪過…罪過… 雪菜肉絲炒年糕, 味淡, 肉絲不多, 有爽口竹筍絲, 年糕品種是件件大小一樣的機切貨色, 未夠傳統”一條裝”的煙韌口感, 但整體味道仍屬不錯. 上海粗炒, 好難煮得唔好食的菜色, 也是好易煮得好多油的菜色. 無錯… 係好多油, 但亦都係好好食, 麵條彈牙, 味道夠濃. 香辣雞丁, 辣度未至於零, 算係”微辣”啩…. 唔鍾意”打芡”太多, 但只個人口味, 友人們好欣賞…. 砂鍋津白, 味道不錯, 湯類與餸菜不同, 比較喜歡淡口一些, 津白煮得剛好, 不太淋, 也不太硬, 仍有些少爽口. 有小蝦仁, 但出現了最討厭的蝦屎…. 又是那一句, 質重於量, 我唔介意只放兩三隻蝦, 但請用一些中型以上的品種, 並請清理蝦腸. 炒回鍋肉, 又係另一款好難煮得唔好食既小菜, 當然都又係多油的小菜, 回鍋肉的肥瘦適中, 大約肥七瘦三. 也都是芡汁略多和過杰, 炒得好油, 正常過正常, 所以好好味… 炒飯, 差到呢, 用匙更攬開那些一少舊一少舊未散開的飯身, 飯身入口過淋, 粒粒的飯爛頭爛尾, 味道淡口. 記憶中, 四年前來過, 現在外表沒有大變, 但店內在作了簡單的裝修, 傳統舊店, 都係聲名高於實際, 老闆想做多些生意, 檯面比裝修前大了很多, 引至坐位與背後之間十分迫, 當日, 就聽見有客人與士頭婆輕微口角, 關於坐位窄的問題, 客人想轉位. 我都以為士頭婆會反擊.… 誰知…竟然…息事寧”客”….哈哈… 呢位士頭婆都算有品喎….
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$80.00
| 商店 | 上海美華菜館 |