|
愛國食肆....喎
|
|
oasiswong
2015-02-04
427
0
|
分享
收藏
此店有三大特色…. 第一, 門口一部大電視, 但播緊與餃子完全無關的資訊, 哈哈….咁特別, 要入去試試啦… 第二特色, 餐牌上寫著”強烈愛祖國”和”情繫香港心”, 吓!!! 唔係化…. 唔好咁好笑得唔得呀…. 呢D說話咁似…. 就快執笠既一間本地電視台宣傳口號既..…. 嗱..嗱..嗱.....就樣樣…, 愛國、愛家呢家嘢, 唔使吓吓講出口咁”便宜”既, 阿爸、阿媽都唔會時時掛在口邊, 叫我地兄弟姊妹愛屋企, 更唔會周圍同人講佢地點樣愛家庭囉, 當然更唔會印張大字報 貼係屋企提醒我地要愛家啦, 我地愛我地既屋企係因為個家係值得我地愛. 另外, 還寫著百分之十一樂捐給HK: 慈善機構, 咩嘢”慈善機構”先, 香港好多好多考立名目既”慈善機構”個喎…哈哈…你真係當香港人傻既…. 此店的第三特色係, 愛國人士開的愛國食肆…就….話口未完, 就見到 門口兩塊”布子”的廣告(要隱匿一點, 怕編輯大大唔比登, 你懂的…哈哈), 一張是本地”反鐘亂講”的生果”布”, 另一張, 更是某些人人得而誅之的【髮卵公】的喉舌”布”【帶己完】, 嘩!!! 真係好神奇… 哈哈…笑話講完…希望唔好比編輯大大彈翻轉頭就好了…. 餐牌寫著: 手工餃子類, 要了韮菜豬肉餃, 細碗, $30/7隻, 上檯, 原來是跟有其所謂的”住家湯”, 跟其餐牌上的說明, 是粉葛, 鯪魚, 豬肉, 偏豆, 赤小豆, 陳皮, 蜜棗……. 多到呢… 滿心期待地, 一啖入口… 唔…唔…唔… 我相信真係無落味精和雞粉, 因為真係淡到… 應該連盬都無落, 都好…間中一次, 食得清一點. 餃子屬於一屬偏細款式, 不是北京煙韌厚皮的, 又不是上海餛飩薄皮的, 介乎中間吧, 皮不算煙韌, 但不厚身, 入口可以接受, 咬開了, 見到內裡餡料, 菜多肉少, 差不多是七三比率, 導致口感略為乾枯不軟, 但整體味道仍然不錯. 玩完一輪, 比翻個Good你啦, 希望你真的可以做一間以市場定向的愛國食肆啦....哈哈..
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$30.00
| 商店 | 餃掂手工餃子雲吞專門店 |