|
女人心 (中)
|
|
技巧樹熊
2015-09-16
259
0
|
分享
收藏
同志尚未成功，革命當然還需努力，味之藝術完全適合他們的話題，女仔鐘意睇openrice，對最潮之食店就如家珍一般數你，朋友要追到手，當然要有加油，於是，繼續補習。 是晚來到了好景，朋友話以為我去那很潮的綠茶店吃甜品，我笑而不語，因為我冇心情同佢等位，而且呢度都開左一間潮舖同樣非常有noise，呢個就係Stack。 Stack 主要賣的係雪糕三文治，唔好睇小佢只係賣一樣野，剩係雪糕同餅乾再加topping ，已經有好多嘅選擇，餅有幾種味，雪糕有幾隻味，選擇多元化，特別女仔一定喜歡，朋友話點解唔食個間排到七彩而又出名的，我說下次吧，因為呢間雪糕三文治係由大隻仔開的。 然後朋友才彷彿明白那個原因，因為佢心儀個女仔就係好鐘意睇無線電視，由今年港姐冠軍麥明詩到大時代，如痴如醉，在這裡很多食友都可以野生捕獲大隻仔，朋友要氹女，有幾難。 女人心，其實好易掌握吧。 雪糕口味有荔枝，玫瑰花，士多啤梨，生日快樂，曲奇和雲呢拿等，曲奇有朱古力，雙胞胎朱古力，紅莓芝士，肉桂和菠蘿飽，crossover可以有廿五個配搭，還有彩針，朱古力針，棉花糖，oreo碎，朱古力脆珠，焦糖等，呢度的combination，數學有限的我，計不了。你自己創造你自己的雪糕三文治，個idea都幾好玩。 我試了朱古力加荔枝加彩針，我特別喜歡那個彩針的斑斕，精彩美麗，女仔唔會唔鐘意，因為我都覺得好靚，朱古力味的曲奇與荔枝味，一濃一淡，就如男和女，一凹一凸，但卻出奇地匹配，荔枝的淡淡幽香沒有被朱古力味蓋過，而彩針就主要係裝飾用，味覺上就冇乜大幫助。 其實我好想食菠蘿飽，可惜這個晚上已經買完了。 朋友吃的是紅苺芝士曲奇加玫瑰花加焦糖，呢個有點膩的選擇，始終芝士係有點易飽的選擇，玫瑰花比荔枝來得更香更特別，就如淡淡的花香在口中隨隨漂浮，焦糖的重味就為呢個淡味雪糕添上個性，令口感複雜多變一點，呢個配搭似乎更特別。 最最鐘意食左少少雪糕之後，用兩個餅夾實佢，最體現到雪糕三文治個concept。 另外一個讚，係俾個兩個妹妹服務員，佢地好細心介紹，仲有最好係可以俾你試其他的雪糕味，當中士多啤梨和生日快樂最得我心，特別係生日快樂，睇個名都估到係生日蛋糕個味，呢個如果配菠蘿飽，諗起都想食.... 朋友都覺得呢個介紹唔錯，只不過，冇得坐係度食，但口袋裡多一個甜品選擇也是不錯吧，特別係自己心儀女性喜歡的人開的餐廳，還是甜品店，一定甜上加甜吧！ 下次你同佢食，記得試下食呢個combination ，如果真係好似我地諗咁好食，就再去食啦。 Stacks 旺角百利達廣場11號舖
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$50.00
| 商店 | Stacks |