|
告別泰菜
|
|
技巧樹熊
2015-09-19
690
0
|
分享
收藏
九龍城係泰國重鎮，就如景德鎮係陶瓷的集中地，基本上，去得九龍城如果唔食泰國菜，好多人就會覺得好可惜，但係，其實好多人同時都知道，九龍城都有不少非常精彩嘅食肆，例如沙爹牛肉，潮洲菜，茶餐廳，澳牛太子爺，又有甜品龍頭，中式甜品達人，真係可說係食城。當中，有間睇過幾次好評，好多出名食家都讚過的雷公子。 一去到，就好像為了今晚的海鮮餐點題，欲嘗海上鮮，莫吝腰間錢，對，吃海鮮，要吃平的不如唔好吃，聽說呢度海鮮不會是大件夾抵食那種，但價錢和質素，絕對係一個正比，特別係九龍城係九龍區當中飲食絕對不是過份平民的價錢，我絕對是不怕花費的，最重要，給我一口好的海鮮。 六個人坐下張圓枱，說真，是有點迫，因為小店吧，全坐滿其實都幾多人，好像呢個星期六，枱接枱，絕對係熱鬧得很。 朋友都準備了一堆潮聖之物，不用想不用煩就有得吃，這應該是懶人的最佳狀態。 飲支啤酒，冰凍的戰鬥碗加上青島，為今晚開引擎。 剁椒蒸開邊龍蝦 $488，令人透不過氣係其氣勢，大大碟的開邊龍蝦一出場無論外形，氣味都殺哂，龍蝦面上有無限辣椒泰國椒同莞茜共同做綠葉，蝦肉沾滿了其惹火的配料，特別吸引，入口並不是勁辣的那種，龍蝦肉亦同時維持著新鮮的爽朗有彈性的肉質，火喉剛好。 蔥花豉油皇乾煎鮑魚 $288/6隻，呢個樣子完全不討好，不過簡單明瞭就像家中媽媽和婆婆自己整鮑魚一樣，係利嘉閣的朋友，家的感覺。少見的鮑魚用豉油皇扣得入味以後，還附上乾煎令其更惹味，蔥花香在鮑魚中約隱約見，絕對是滋味。 海鹽手插蝦 $198，呢個又係餐廳另一得意菜式，一串串的海蝦直插係煲中，海蝦的外圍用海鹽來焗，有點像海鹽焗一樣，蝦肉彈彈，用上海鹽係另一種鮮味。 銀山火焰桶蠔 $288，上場的時候，香氣傳滿整間舖頭，用上極大隻的美國桶蠔，就是肥美，一口一隻，送啤酒一流。 立體 3D 芥蘭 $108，有做功課都知道呢到呢個菜絕對係首選，芥蘭的葉炸到好似紫酥葉咁，一塊一塊如藝術品般，而且鬆脆又唔會太過乾，菜加上肉碎，配上烤過的麵包，吃法又完全不同，而芥蘭的根部就沒有太多特別，大概呢部分都好難再3D，整體的感覺都十分新鮮。 避風塘金沙炒蟹 $398，繼龍蝦以外呢個應該係最氣勢磅礴的那些金沙香脆無限，絕對可以說兩大碗白飯，肉蟹勁大隻，無論蟹腳蟹身或者是蟹殻都沾上了又辣又惹味的蒜香，蟹肉鮮味和每口大大啖的蟹肉都和那避風塘的辣味絲絲入扣，纏綿而溫馨。 闊少炒飯 $98，未夠飽便來個這裡的名物，炒飯乾爽少油，相對濕度極低，用上華麗的海鮮，飯同餸係完美無瑕的比例。 豉油皇龍鬚炒麵 $98 ，全晚的驚喜必定是這個炒麵，上枱以為係無甚特別的豉油皇炒麵，吃下去和炒飯一樣乾爽少油，鑊氣滿載，但其魷魚的皇龍鬚吃下去卻完全有意想不到的效果，龍鬆極度爽脆，帶有點點的甜美，就如街邊的魷魚一樣，吃下去好像食薯片一樣，你以為只係普通魷魚鬚就真係大錯特錯，佢將成個簡單的炒麵都好食左好多。 的確，九龍城除了泰菜外，有名的食店為數甚多，特別係小店，往往有意料之外的驚喜，雷公子絕對係表表者，以一個相對正常又唔係真係好貴的價錢吃不錯的海鮮，就算你腰間不是有太多錢，來這裡也會吃到另你滿意的選擇。
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$250.00
| 商店 | 雷公子海鮮串燒大排檔 Mr. Ray Seafood Restaurant |