係大角咀周圍行下,晚餐本想試下出名的車品品,但又唔想食麵,於是試了第二間係OPENRICE評語不錯的Hero Sandwich。

星期日的7點幾,冇乜人,間店好大呀,樓底好高好寬敞,感覺舒服。出名的是肉牛眼牛扒三文治,必食!要了三個三文治套餐,套餐包埋百事及薯條。

肉牛眼牛扒三文治,$46,削成薄片的肉眼牛扒,份量唔少,咬落鬆化有肉汁,重牛肉味,好juicy,加上芝士、洋蔥同醬汁味道更香口,法包外脆軟同夠熱,幾好味。

Hero's熱狗,$43,好多黃芥末,I LIKE,熱狗腸一樣好多肉汁好味,不過不提包,面層好多芝麻,食落好有芝麻香味同脆脆地,好食呀。

Hero's公司三文治,$36,喱個就比較流...有可能對上兩個太好食而有此FEEL...公司三文治大約係蕃茄、生菜及火腿等,比較上清清地冇驚喜。