邂逅.蟹逅
|
|
戀吃車媽媽
2015-10-06
1121
4
|
1/10國慶日跟一衆好友到LIS Café食剛啱到季節的"蟹逅型南"自助晚餐品嚐任食大閘蟹和多款鮮蟹菜式興奮嗎?這也未算吸引呀睇埋價錢應該要即刻Book檯架喇星期一至四成人$438/位,小童$228/位,星期五至日成人$468/位,小童$238/位But係買2送1呀3人行去食為起每人$320位真係抵爆^0^
地方寬敞舒適空間感十足~
一到餐廳便見到甜品區陣容須未算龐大但應有盡有~ Movenpick雪糕有兩款口味包括雲尼拿及朱古力兩隻都超好味尤其朱古力味真係百吃不厭^0^ 從前不甚愛蘋果甜品的我自從在Isono品嚐過蘋果批後便深深愛上蘋果甜品,這兒的Apple Crumble味道質感也不錯呢!!仲有紅豆酥餅,我和劉總嘅同類柚子蜜"蛋散"哈哈^0^ 月餅跟法式曲奇~ 小朋友最愛朱古力綿花糖和啫喱糖~
頭盤有很多選擇煙三文魚,煙燻青魚,蕃茄水牛芝士,凍火腿 沙律有青瓜沙律,什菌沙律,豆沙律,椰菜沙律及新鮮生果~
還有自選沙律給客人設計自己喜愛的沙律~ 自製冷麵區有芝麻醬及豉油兩款口味~ 凍海鮮有4款海蝦,蟹腳,蜆及青口~
話明蟹係主題當然仲有好多蟹的菜式這是意式鮮茄蓉地中海布朗蟹~ 黑松露烤澳洲藍殼蟹蓋~ 薑蔥三點蟹~ 仲有任食清蒸大閘蟹~ 清蒸海上鮮~ 醬煮牛筋腩~ 燒排骨,炸洋蔥圈,羅蘭仕撻~ 咖哩雞肉,泰式九層塔咖哩青肉蟹 ,咖哩豬肉~
紅酒燴牛尾~ 美國珍寶燴蟹肉伊麵~ 鎮江骨~ 壽司,刺身~
即製粉麵及生滾粥材料超多~
鐵板燒~ 翠綠菜芯~ 磨菇湯及野葛菜鯪魚唐排煲雞~
先來吃主打大閘蟹大約四兩重的蟹公~ 我取的那隻須然未係好爆膏不過鮮味都算不錯~ 第一碟前菜及凍海鮮當中海蝦鮮味十足又彈牙呢!!蟹腳也鮮甜多汁,煙燻青魚香口不腥還吃了薯仔沙律及水牛芝士蕃茄味道也不錯^0^ 第二碟再反兜鮮味海蝦加點沙律菜和黑松露烤澳洲藍殼蟹蓋充滿我喜歡的黑松露香吃得很滿足~ 前方的糖醋骨好友們極力推薦當然要一嚐吃下登時兩眼發光味吉陽一上身"真係好好味啊"肉質淋滑酸甜味道拿捏得超準繩勁讚,後方燒排骨也不錯可惜珠玉在前即時被比下先呢~ 蟹肉伊麵從來都喜愛所以飽肚也要試一口清香滑溜不俗,意式鮮茄蓉地中海布朗蟹醬汁香濃不過這蟹還是吃蓋吧!!咖哩雞肉其貌不揚但絕對好味咖哩香中帶辣撈飯最正斗喔!! 見好友吃的生滾粥綿滑得很真係勁飽的我都要整碗皮蛋粥食果然綿滑好味~ 太飽關係甜品只試了3款荔枝奶凍還是第一次試味道又出奇地夾喎,Apple Crumble蘋果酸酸甜甜不錯,Brownie質地對版朱古力香濃~還有忘了拍照的Movenpick只吃了兩球真的要收工喇~ 這是爸爸的生日蛋糕最後當然要交由MC小兄妹為他吹蠟燭啦haha~ |
商店 | LIS Café |