抱歉,發生點錯誤。
重新載入
為大閘蟹,你可以去到幾盡?
技巧樹熊
2015-10-11
520
0
分享
收藏

其實,我好少係酒店中餐廳食飯,今晚黎到,主要因為朋友發現了一個討論區的post講到佢食任食大閘蟹的經歷。

你認為一個正常人,好地地可以食幾多隻大閘蟹呢?

轉頭再開估,講番今晚食乜先。

我地黎到原因就係為大閘蟹,你可以去到幾盡?
帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)
除左平時的清蒸大閘蟹外,呢度仲有凍食大閘蟹,麯酒浸大閘蟹,還有另一種較新奇的,清香龍井大閘蟹,最最最重要嘅原因,三隻種類都係all you can eat ,你食到幾多就幾多,仲要時間極長,六點到十一點,你要坐係到坐足五個鐘頭,玩足五個小時蟹腳都得。

蟹粉燕液羹同即泡薑茶都會送一客俾你,除左任食大閘蟹,仲有咁吸引嘅嘢奉送,仲要係酒店裡面嘅餐廳,我真係有點難以致信。

不過,對我黎講,呢個都係非常新的經驗,食大閘蟹都有任食仲要唔同種,我食完仲要不停推薦俾身邊不同的朋友同親戚。

一坐低便有碗蟹粉燕液羹同你清清腸胃,蟹粉成碗都係,加上晶瑩剔透的燕窩係面,那個感覺高貴而霸氣,喜歡其蟹粉的濃味和粉燕液出神入化的配合,互補不足,不過,如果沒有粉燕液的味可能更raw更令我沉迷,就如澳門的蟹黃撈麵。
帝玉庭的相片 - 沙田)

帝玉庭的相片 - 沙田)
先說說三種不同的大閘蟹,首先上嘅係麯酒浸大閘蟹,呢個感覺係最新穎新潮,凍蟹上的形式已經令人心醉,蟹膏絕對雖然不是熱辣辣,但那感覺就如吃那些冷盤的龍蝦和麵包蟹般,而且麯酒淡淡在蟹的每一部分滲透,喜歡酒香特別會鍾意。
帝玉庭的相片 - 沙田)

帝玉庭的相片 - 沙田)
清蒸大閘蟹係絕對經典的長青方法,你冇理由唔試,呢度蒸得剛好,蟹肉和蟹膏隻隻氣勢強勁,食得很滋味,而且份量很足,每隻蟹膏都很肥美,就算連腳同鉗都好好食。
帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)
最後,當然係新玩法,由茶葉主導的清香龍井大閘蟹係最吸引的,茶香完全滲進大閘蟹中,完全係入味到震,連蟹肉蟹膏都有濃濃的蟹味,我最喜歡就係呢隻味。
帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)
食左咁多海鮮,也要食番少少菜類,蒜蓉炒西蘭花 ,酒店大廚的出品又怎會有閃失呢,我差點想要好似演唱會般叫encore。
帝玉庭的相片 - 沙田)
飯友說一定要飲杯酒驅去蟹的寒意,於是他選了越州加飯酒 ,酒精濃度也算高,我只飲了一杯,加上話梅的感覺,酸酸甜甜,為黎緊嘅蟹粉宴磨拳擦掌。

朋友係好吃之人,當然唔會剩食大閘蟹啦,蟹粉百花煎釀帶子 ,帶子係新鮮而不是雪藏貨色,入口香氣無限,師傅煎得勁香,然後將其帶子鋪上無限的蟹粉,爽口彈牙的帶子加上鮮嫩多汁的蟹粉,讓菜式達到色香味俱全、極致鮮味!
帝玉庭的相片 - 沙田)

帝玉庭的相片 - 沙田)
蟹粉扒豆腐,係另一個出色的菜式,蟹粉就簡單同較清的豆腐混合係一起,味道突出,我地最後食蟹粉食得太滋味,亦太想念牛記的蟹黃撈,於是叫了一個生麵,一個伊麵,各有千秋,配上蟹粉都係夾到不能自拔,食完一碗再一碗。
帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)

帝玉庭的相片 - 沙田)
單尾的是蟹粉小籠包,以蟹肉為主的餡料滿滿的放進包內,又再用蟹粉點綴在小籠包之上,那個蟹粉撞蟹肉的鮮味是爆燈,唯點點壞處係個隻皮太薄,不用放入口時已經流出肉汁,於是一啖入口,如果慢嘗,感覺應該更好。
帝玉庭的相片 - 沙田)

帝玉庭的相片 - 沙田)
薑茶湯丸,不過我只嫌其薑不夠濃烈,如果佢有像佳佳的質素,我應該會再要多一碗。
帝玉庭的相片 - 沙田)
其實今晚雖然有得任食,但也實在吃得不多,始終食蟹係一個享受,我見有幾枱都食個不停,起碼食到五六隻,不過我覺得量力而為才是重要,始終係寒涼食物,食野最重要食得開心,不是嗎?我相信又有蟹粉燕液羹同多款的蟹,每樣試少少都回本吧。

剛剛開頭的問題,睇到黎度,如果任食,你可以食幾多,我今晚食左三隻。侍應同我地傾嘅時候,佢地多口同我地講有一男一女竟然食左三十八隻,原來有人可以食到咁盡,不過佢地只係食左蟹膏而冇食蟹腳蟹身.....

與其這樣辛苦自己又浪費食物,何必呢?為大閘蟹,你可以去到幾盡?我覺得,食得之福,還是要珍惜食物,咁樣唔係食得盡,咁樣係浪費到盡。同埋要試真呢幾隻味,係要慢慢品嘗,起碼,係出面食唔到麯酒浸大閘蟹同清香龍井大閘蟹,剩係食呢兩個都值回票價吧。

帝玉庭 Royal Park Chinese Restaurant

沙田白鶴汀街8號帝都酒店1樓


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
人均 $520.00
商店 帝玉庭 Royal Park Chinese Restaurant