|
當潮流愛 爭鮮
|
|
技巧樹熊
2015-10-13
293
0
|
分享
收藏
| 朋友生日的晚上，係尖東麼地道飲酒已是常識，無辦法，這裡一帶都是他們的鐵竇。 飲到爛醉的晚上，我仍不忘懷在後面的勁回味。 不只一次在這裡飲完酒想食這裡的大大手卷，但每次連零晨時間看到人龍也真是無哂胃口，今晚同朋友講開，我地決定點都要一試。 你以為零晨三點不用排隊了吧，錯啦，呢一刻，竟然排左十個人都有，唔講人地以為呢班人好耐冇食壽司，熱愛到零晨要排隊滿足其對日本的愛，或者你以為佢地愛日本到會係釣魚台話呢個係日本領土。 大概排了二十五分鐘，終於排到了，當晚我們要了四條手卷。 講下呢度嘅手卷選擇，多到不行。蟹籽，魷魚，赤貝，劍魚，油甘魚，三文魚，帶子，呑拿魚，甜蝦，乜腩乜腩位，你想叫的應有盡有，全都是廿幾蚊。最重要係呢嘅主角，加拿大海膽，佢可以同三文魚腩，帶子，黃金魷魚等搭上，呢個手卷之前係電話電腦見到好多人黎到勁回味的朝聖物。 我地叫了四個手卷。大約用了十分鐘到包上。 加拿大海膽黃金魷魚，是今晚零晨三點的選擇。 其實我沒有寄望過佢好好食，因為有朋友話好普通，不過冇期望就冇失望，呢個手卷絕對不錯，四十八蚊，紫菜鬆脆，一攞上手同口接觸的感覺都好新鮮，海膽有半板，滿滿的塞滿手卷中，加上黃金魷魚的配搭好鮮甜，我食完個下，好滿足，可惜太夜，唔夠膽食太多宵夜。 如果你行過又少人，絕對值得朝聖一下，如果要排，就睇有冇時間了，我覺得以一個咁平嘅價錢，絕對值得食，至少，係現今人人都唱'當潮流愛爭鮮”的時候，勁回味絕對叫你無條件愛上。 無論你愛爭鮮還是新鮮，快啲來食手卷吧，之後，你應該不愛爭鮮，只愛"勁回味"。 勁回味 尖沙咀科學館道14號新文華中心商場地下21B號舖
感謝 技巧樹熊 提供以上資料 技巧樹熊的網誌: http://www.openrice.com/zh/gourmet/reviews.htm?userid=718688&city=hongkong
|
~END~
人均
$48.00
| 商店 | 勁回味 |