|
同會長and king去睇戲,順便睇下有咩食,據聞喱到既拉麵唔錯,價錢都算係幾ok,於是便試下了~!
個擺設~!
環境唔算好大,不過都坐得既舒服,同聽講都幾多日本人來食~!
即睇有咩食呀,佢又好多定食既份量都太多,麵+飯,一人一定飯唔晒啦,於是散叫拉麵仲好,大家都叫左個拉麵+蛋~!
麵豉味拉麵($58)+半熟醬鍋雞蛋($8)~!
一睇個賣相就知係濃味野呀,開頭食既時候覺得唔錯,不過食食下就覺得好漏同有點咸,加上湯底好多油有點肥膩,個拉麵比較幼身,食落亦唔係特別爽口彈牙不過都ok,叉燒算係厚而味道都唔錯,不過太肥了,肥膏多肉太少,整體份量其實唔算太多,不過係太濃味同咸之下食落都夠飽(定濟?)~!
半熟醬鍋雞蛋,必食呀,因為鍾意食糖心蛋,個蛋汁幾澎湃既,食落有少少少少少少少苦,but都幾好味呀~!
會長and king既豉油味拉麵,試左點個湯底比麵豉咸,不過好似冇咁漏~!
綜合來講係好濃味既拉麵,其實味道係唔錯,只係咸同漏左點,好岩食濃味既人仕,不過我食開濃味都覺得太濃了~!
尖沙咀彌敦道63號國際廣場(iSquare)6樓608號舖
感謝 味之素 提供以上資料
個人日誌: http://moritatintin.blogspot.hk/
| 
