難忘的星馬菜 SeeWide

好中意同朋友周圍去食唔同既菜色，
從美食中感受下唔同國家既文化，
當中有好多唔同既特色都可以互相學習～
間唔中都會去鰂魚涌搵食，雖然唔係我地頭，
但都搵左間幾特別既星馬菜餐館－隨心。
隨心的相片 - 鰂魚涌)

雖然店名同食物方面冇咩關係，但我當然會照舊捧場
隨心的相片 - 鰂魚涌)

環境唔算好大，設計有啲似中式茶餐廳，中上價錢，二人份量百餘有找
隨心的相片 - 鰂魚涌)

雖然我地都唔太熟悉星馬菜既菜色（最多都係最熟海南雞飯）
不過依然好努力咁慢慢揀啲有興趣又夠特色既菜色！

娘惹咖哩海南雞飯，一個小鍋加一大碗飯，夠晒兩人分，
金黃色既咖哩非常香濃，食落會帶點辣夠晒惹味，
每啖都食到咖哩既甘香，非常抵讚！

色澤明亮鮮艷，海南雞件件都夠多肉，雞肉口感又夠滑，係一大加分位！

馬拉盞炒通菜，口味較重既一道菜，通菜新鮮爽脆，
配炒既醬汁就比較咸，但唔會COME左通菜陣味
配埋咖哩一齊食都唔錯，不過價錢就貴左啲，但都可以一試～

班蘭葉炸雞，有別於出面既一般炸雞，佢唔會落炸粉，只用左班蘭葉包住，
岩岩上菜果時有好香既葉香味，但見到成塊葉都係油，心諗今次一定好油膩喇！

之後折開塊葉，就見到一塊類似三角形既雞塊出現，
驚喜既係，被包實既雞塊冇吸到油，所以食落完全唔會油！
而肉質都有別於一般雞塊既口感，佢係比較實正，食落有口感，
而且食落去冇咩骨，或好細條既骨，每食一口都有葉香味，
有特色之餘都比左唔少驚喜我～所以比五星XD

純真，有汽既椰汁飲品，熟悉得黎帶左新創意，飲落去會飲到兩種口感，
首先係汽水果種爽快感（應該係雪碧）之後就係椰汁既濃杰味，
口感係清得黎帶啲杰，難以言喻既口感，不過都係不錯一試既選擇

============================================

感謝 chickenandpp 提供以上資料

============================================

~END~

人均 $95.00

商店

隨心


(0)	(0)	(0)