|
Birthday Dinner。FINDS Restaurant & Bar
|
|
Yanomi
2015-10-22
509
0
|
分享
收藏
9月26日(星期六)~老闆生日..早兩日先得閒上網搵搵 睇下同佢去邊道食生日飯~原本想同佢食西式海鮮 問佢又話想食扒~OKOK!! 搵到食扒..佢又話食海鮮 唏..唔改啦! 決定食扒~反正依家係屋企好少煎扒佢食 同埋..今年佢真係食少左好多牛~咁一餐半餐無所謂囉 依早係屋企食完早餐..就自由活動~晏d先出去食晚餐 早一日..用Tablemap訂定檯~老闆生日晚餐@FINDS FINDS - 香港首屈一指及唯一的北歐餐廳及酒吧，由駐店芬蘭名廚Jaakko Sorsa主理的菜式獲獎無數，所提供的創新分子料理雞尾酒更廣受熱捧。餐廳美食靈感源自芬蘭、冰島、挪威、丹麥及瑞典北歐五國，盡情展現美食特色(資料由網上提供) Order完食物..送上麵包(伴上橄欖油,牛油及Clotted Cream) 糙黑麥包~口感有d似軟身曲奇帶拉扯感~味道甜甜地 另一款法包~外層脆..內層非常軟綿綿~味道帶微微鹹度 原本想點"Soical Dining Set"($478/pp - Min 2p)~2人份量Share食 不過主菜只可以點一款share~就得老闆食牛扒又就唔到我 "Seasonal Tasting Menu"[3 courses($498)/4 courses($569)/5 courses ($648)] 咁我揀Tasting Menu(5 courses)~每道菜仲有不同選擇(除左湯類) 第一道.."SALMON IN SIX WAYS Norway" "挪威三文魚驚喜六重奏"(冷燻, 輕煎, 慕絲, 醃製, 紅菜頭漬 & 金三文魚子) 上檯後..侍應先介紹食物及講解食法(由上至下) 印象中睇Menu..係用私人"三文魚養殖場"~肉質真係唔同d "紅菜頭漬"(後款)..紅菜頭汁入滲透三文魚邊位置 好原味..菜汁仲好新鮮感~肉質新鮮有油香+魚味濃 "慕絲"..三文魚蓉非常極之幼滑~混合面層點點香草 平均搽上法包同吃~互相輝映..味道好香好好味 而啡色果塊薄脆~係用"糙黑麥包"烘製而成..香脆可口 "冷燻"..魚油香味好突出~肉質清爽有彈性 "金三文魚子"..伴酸忌廉 非常匹配~鹹香度好高又有魚油香..超正 "輕煎"..微熱~肉質真係好掂! 同平時食既係有分別 "醃製"..最尾食依款酸酸地~即時又好開胃 "HOT-SMOKED MACKEREL & SEA URCHIN CRÈME Iceland" 煙燻冰島鯖魚及海膽(配醃瑞典有機菜..蕃茄果凍及刁草雪花) 肉質屬清淡..有咬口~蕃茄果凍..茄味好突出 魚肉伴以海膽醬同吃~微甘又係好香..整體好味 另點餐酒($98/杯) 第三道.."24-HOUR VEAL BROTH" (慢煮牛肉清湯) 除左主菜..其他4個courses都有同老闆share食 知湯皇老闆最like飲湯~所以揀5 courses留比佢飲 set中..湯類得一款選擇~"牛肉湯"就由佢獨享吧 配白露筍,青露筍,牛仔肉,芥末籽~上檯後才倒入湯汁 睇樣似清燉~同埋應該幾甜~老闆話味道清淡..有牛汁味 主菜.."HOUSE-SMOKED SALMON FILLET Norway" 自家煙挪威三文魚(配忌廉羊肚菌汁..手指薯仔及刁草汁) 好驚喜!! 緊緊熟度..肉質保持非常非常嫩滑 油香味好爆好豐富~味道鹹鹹香香..而且份量好足夠 醬汁菇味好濃厚~同三文魚又係好匹配..好有水準 原件薯仔..口感完全粉糯~切開保持原件..唔會散碎 面層搭上脆薯片~味道清淡夾香口 & 口感粉糯夾香脆 味道及口感都有唔同層次表達~完美! 因為"Seasonal Tasting Menu"~4款主菜..得一款"牛仔柳" 老闆淨點主菜"GRILLED BLACK ANGUS RIB-EYE STEAK(10oz)"($388) 配煙燻茄子芹菜蓉..時令蔬菜..炸薯..紅酒汁及天堂籽牛油 5成熟..牛扒煎得好靚~份量都唔少 老闆話肉質有咬口..都有牛香 另跟上"伴菜"~薯條欽點要辣味 外脆內粉糯~原薯味..好香脆可口 辣味唔過嗆~反而香料味仲突出 蔬菜有法邊豆,小椰菜,甘筍,小洋蔥..清新爽脆 最後有甜品..‘DAIM’ PARFAIT 訂檯時request甜品寫上"Happy Birthday"~送給老闆點點開心 雪糕外層黏上杏仁&焦糖碎粒 味道似食樂嘉杏仁糖~vanilla雪糕又好好味 配蛋白脆餅..杏仁..焦糖及朱古力~甜品做得好出色 (埋單原來有85折~訂檯時有寫優惠..但條款有規限所以無特別留意~總消費:$1170) 整體食物用心製造+好有水準~服務好好..環境非常寧靜舒服 酒店既佈置好有格調
感謝 Yanomi 提供以上資料 Yanomi的網誌: http://www.yanomichung.blogspot.hk//
|
~END~
| 商店 | FINDS |