|
奇異恩典
|
|
oasiswong
2015-10-25
1294
1
|
分享
收藏
是日入屯門探朋友, 順道到黃金海岸晚飯, 人多, 最好選擇都是自助餐, 各取所需, 自由自在, 可邊吃邊談. 黃昏時間來到黃金海岸, 望向海灘一方, 浪漫感強烈, 浪漫是一種主觀描述, 味道也是, 早前買了一本名為"味覺現象學"的書, 以為有助寫食物味道之用.... 這本"味覺現象學", 作者是梁文道, 可能大家都知道他是出名文人, 但未必會知他是哲學系畢業. "現象學"是上世紀前期的哲學界顯學, 在大學上過哲學課的, 就算未有收過門課, 也必定聽過. 我了看見書名"味覺現象學", 已經有無限聯想, 莫非梁生會討論現象學與味覺的關係? 現象學格言: 回到實事本身, 如如呈現, 那...味覺的客觀性是如何?? 然而, 希望落空, 看過後, 上了當, 只是一本比較有深度地談論飲食文化的書. (估計以前讀哲學的老師和同學, 都不會看網上食評, 否則知道了我在這裡亂噏一通, 肯定笑到我面都黃....哈哈) 位於山卡啦位置, 不需怕今時今日的昂貴租金, 酒店大堂也大得驚人, 因餐廳未夠鐘入座, 在大堂的梳化坐著, 非常優閒地發一陣偶豆, 望向高處的天花, 心情也特別舒暢. 指定信用卡有特價, 但點都不及Openrice的網上優惠, 在openrice印出優惠卷, 每檯11-24位成人顧客可享7折 (星期一至五) 或75折 (星期六及日)優惠. 另外, 憑券凡每2位長者顧客惠顧自助餐，同行之額外1位長者即可免費用膳, 老人家來吃, 超抵, 但小心肚皮, 唔好吃太飽喲... 這店有戶外座位, 向游泳池影, 超正. 自助餐的食物, 多如沙數, 要在食評中一一列出, 是不可能的工程, 縱使每樣都有吃齊, 也不可能一一寫出, 加上寫得再有心思, 近年也難獲編輯大人垂注, 用相機拍齊所有食物, 讀者自行判斷吧. 奇異恩典... 每檯每位送一枝Jim Beam仔, 上年初，日本三得利花了160億美金買了美國金賓, 將這個電影必有的品牌收為己有, 三得利也因此成為全球最大烈酒商之一. 酒店果然花心思, 每位客人, 可按自己口味, 即場自製cocktail, 加汽水或果汁, 適隨專便, 淨飲也不錯吖... 地方大, 放食物的位置也自然夠寬敞, 孤型長檯的沙律區域, 應有的冷盤和蔬菜都齊備. 中式冷盤較特別的有木耳豆角、泰式有木瓜絲沙律、其他各款豆類和肉碎生菜包. 孤型檯的另一邊是蔬菜區, 也是應有的都有, frisee, rocket, red leaf chicory, spider mustard, scarole, baby beet greens, 當然不會少了romaine 吧... 沙律油、黑醋、意大利汁、千島萬島...甚至億島... 適隨專便...哈哈... 冷盤櫃檯上有五、六種款式, 拍到的有煙三文魚、沙樂美腸、燒牛肉, 還有右邊忘記了拍的鹹牛舌、火腿和雞、羊肉片, 總算是雞牛豬三位老友都齊了. 這個圓形金屬圈, 通常只會在酒店的下午茶才會出現, 但今天這個大得多, 遠遠已經望到了.... 唔係個大圈, 而係大圈上面個四枝菊正宗...., 愛酒愛到痴痴地, 以為有得任飲...哈哈... 不過此店也不差, 有Heineken 生啤任飲, 已經好滿意了... 全場生啤供應, 任飲, 啤酒機設在戶外, 有侍應負責專人控制, 剛才就看到有客人自己按控制鍵倒酒, 部長立即走來幫忙, 我....好想玩吓部機, 專登等到部長行得遠遠時, 就立即取杯, 大力按下上面手掣, 泡泡泡... 我果然唔係專業水準, 倒出來的生啤, 泡沫不足, 唉.... 煙三文魚, 檯上餐牌寫明是挪威貨, 煙薰味道不重, 至於味道屬於那地方出品? 裕我程度低, 無能為力..., 我對自助餐的熱燒牛肉不太興趣, 反而冷盤燒牛肉, 我更喜歡, 原因是...我怕見血囉..., 而看到沙樂美腸, 我只會想起 Caravaggio 的名畫"莎樂和約翰的人頭", 這是童年陰影, 無得救... 至於那件夾在三件西洋貨當中的中國貨: 薰蹄, 皮爽肉彈牙啦... 繼續冷盤, 長腳蟹、凍蝦、帶子、凍螺和兩款青口, 一般平價的半殼青口和細隻的藍青口. 現時差不多每間酒店的自助餐, 都有供應長腳蟹, 但水準參差不齊, 尤其是平價自助餐, 蟹腳肉質缺水乾硬, 但這裡的長腳蟹, 絕對交足功課, 最佳吃法, 用專用蟹剪, 分別兩邊剪開, 雪白色的蟹肉一啖入口, 鮮甜多汁. 刺身和壽司櫃檯, 專人服侍, 刺身離不開幾種款式吧: 三文魚、吞拿魚、墨魚、鯛魚、希靈魚. 款少無相干, 最緊要新鮮, 少少人龍, 幸好阿姐刀藝功夫了得, 好快攪掂. 個人喜好, 每次自助餐, 總是先吃這三款, 吃得不多, 也不貪心, 每款兩件, 剛好. 食刺身, 只用醬油, 平價芥辣?? No 啦...., 豉油溝芥辣的泥水, 更加米攪我了. 這裡的自助餐的另一特色, 是戶外和戶內都有食物櫃台, 未出戶外之前, 於戶內先打個轉, 近門口的位置有三香: 香草炒薯仔、香燒豬頸肉、香辣雞中翼, 三款我都是各吃一件, 要留肚出戶外吃燒烤. 蟲草花紅棗炆雞, 雖然雞肉並非上等, 但紅棗味道特別, 雞肉滲出些少蟲草花香味, 味道一流. 驟眼以為是炒飯, 看過介紹牌中文名稱, 原來是桂花炒蛋, 但英文名稱的介紹是 Fried egg with Chrysanthemum, 而Chrysanthemum是菊花, 是實上, 材料的確有菊花, 但也發現有些少桂花(Osmanthus fragrans), 只是不太多. 咸豬手配酸椰菜, 明顯是扮德國菜吧, 肉質絕對上勝, 但豬手皮, 韌勁彈口十足, 但香脆未夠, 酸椰菜做得好味, 夾了些少上碟, 預備作為吃戶外燒烤的開胃配菜. 還有其他七、八款熱食, 不多作介紹了, 反而想講這款特別菜式, 藥膳袋鼠尾, 女士們不敢吃, 據聞, 袋鼠肉與牛肉的口感類似, 但咬起來比較鞋口, 帶膻味, 我試了一件, 可能是尾部的關係, 肉質不算鞋口, 當然也不算嫩滑, 真的與牛肉差不多, 但完全沒有膻味, 可能是因中式的藥膳煮法, 所有膻味都被壓下去了. 芝士款式的種類比想像中多, 但無注明芝士名稱, 一於斷估無痛苦, 香港人吃自助餐, 甚少取芝士, 上層一格Camembert, 紅衣主教Edam, 四方形的Brie認真少見, 十足番梘一樣的Cheddar. 還有另一邊, 都係斷估, 由右至左, 黃皮和皇冠招紙, 是荷蘭Gouda cheese, 遍佈大窿小窿, 是 Swiss cheese, 深黃色番梘, 九成九係較濃的Cheddar吧... 試齊各款芝士, 最好配生紅蘿蔔條或生西芹, 又是個人喜愛, 提子和果仁配芝士, 唔啱我胃口, 餅干則可免則免, 最好..都是淡白麵包, 但無貨供應, 鹹味麵包...好過無啦...哈哈.. 戶外的游泳池旁, 變身為燒烤場地, 地方比戶內還要大得多, 天氣未夠清涼, 否則坐戶外, 一邊吃, 一邊看海旁景色, 更舒暢. 燒烤其中一環, 燒羊架, 一般酒店自助餐無得揮, 全部用炭火燒烤, 火勢夠猛, 味道飄香, 遠至門口都聞到. 炭火燒鴨, 一邊睇住師傅塗調味料, 一邊放火上轉呀轉, 燒得鴨皮啡黃微焦, 望見已經知道香脆可口了. 專業燒味師傅, 用刀功架也完全不同, 手起刀落, 斬得快, 切得準, 睇得我好興奮... 哈哈.. 花旗參蟹肉魚湯, 都是用炭火燒煮, 放在一個個窿的鐵面板上, 風味一流, 煮沸時, 還聽到不斷的卜卜聲, 又是好興奮... 我都開始懷疑自己有些少心理變態... 廚師用碟盛上, 放檯時, 還不斷起泡, 熱力勢不可擋, 湯外除了有蟹肉之外, 還有一大片斑片, 此味菜式絕對不可錯過. 印刷食品區也設在戶外, 主要是因為提供的印度食品是用火爐即製, 又是熱力十足, 印式薄餅, 除了必備的Roti 和 Naan 之外, 還有Dosa, 即印度pancake, 超薄餅皮, 煎得薄又脆, 包著咖喱薯仔, 加入芫荽和蕃茄, 香口又清新. 九層塔海鮮糯米飯, 無九層, 只有兩層, 哈哈.... 又是另一款香遍全場的菜式, 下層放鮮蝦和東風螺, 上層放糯米飯, 附有海鮮味道的蒸氣向上升, 煮出來的, 當然就是海鮮糯米飯了. 東風螺是傳統廟街風味, 蘸辣醬和甜醬, 最佳享受. 蒸蝦比用水汋更能保留鮮味, 蘸辣椒豉油, 一流. 糯米飯, 比灣仔馬師道的"強記", 差少少啦...哈哈... 此店供應的三款雪糕: Mövenpick, Dreyer's, Haagen Dazs, 三隻都是高價貨, 無得輸啦! 可惜我胃部SIZE有限, 只容得下一杯, 唯有揀了平時少吃的Mövenpick.
感謝 oasiswong 提供以上資料 oasiswong 的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$500.00
| 商店 | 聆渢咖啡廳 Cafe Lagoon |