|
熱要趁熱食，凍要趁凍食!
|
|
問米婆
2015-10-28
372
0
|
分享
收藏
| 今晚約了女同事們放工後(即係OT囉) 去晚餐。 最煩惱就是選擇餐廳。 皆因每人口味皆不同，仲要就埋價格。 所以特別喜歡放題任食自助之類的餐廳， 固定價格，食物又可自由選擇。 女同事搵到公司隔離街有家放題， 8點半左右開始食，剛好OT後，即可開波。 來到時馬上入座！ 特別的碟分開2格：1大1小，小格盛豉油，大格放食物， 其實這碟更方便放筷子。 還有黑色的骨碟呢！ 職員講解了如何點菜後， 大家開始狂剔紙仔了。 來日式放題，不能缺少刺身拼盤啦! 刺身拼盤 甜蝦，馬刀貝，北寄貝，三文魚，吞拿魚，帶子 通通都是回本菜。 甜蝦很大，很甜 北寄貝很長 馬刀貝很爽脆 北海道帶子 : 原本厚身的帶子，片為幾塊，薄身但鮮甜。 生蠔 參考其他食評，生蠔是這家回本菜之一。 職員開咪, 話有剛空運到香港的生蠔。 同事們喜歡吃呢！ 但本身少食生蠔，而這店有熟蠔 海鮮扇貝香檳湯 職員開咪：海鮮扇貝香檳湯。 基於好奇下，要了一碗。 職員特地提醒客人：香檳湯要趁熱飲，凍左就會唔好味。 酸酸的，又有鮮甜，但亦有微微的澀， 內有扇貝元貝，香草類，芹， 還有微微的澀味的源頭－橙或檸檬籽！ 香草燒羊鞍 職員開咪通知客人, 羊架剛烤好。 我們爭取到每人一件。 羊架大到要以手抓來吃! 表面有芝士碎碎，看得到肉質的嫩滑， 每層肉之間都夾著脂肪， 這就是半肥瘦了！ 半肥瘦才可體會肉的甘香肥美哦。 職員經常提示 熱要趁熱食，凍要趁凍食。 羊架真係要趁熱食， 凍左羊肉會乾柴，羊脂會凝固, 這就令羊架變硬，大打節扣了. 不要浪費美食呀！ 七味香蒜燒茄子 原條上，以七味粉及蒜蓉調味 蒂部已切開，很貼心的做法。 方便客人夾出絲絲的茄子肉。 試過有Ｄ餐廳唔CUT茄子蒂 夾得很辛苦呢。 燒日本有機蕃薯 軟棉棉，細細粒，可連皮食。 又香又甜的澱粉質。 有機糖心菠蘿 這是放題的至愛 有酵素幫消化。 加上燒過後，蒸發了菠蘿部分水份。 菠蘿就更香甜。 其實唔加啡色醬，可能會更好味。 香蕉腸粉 職員又開咪，有特別甜品 香蕉腸粉。 未嚐過這種腸粉甜品，即是芒果腸粉，榴槤腸粉東Ｄ。 這次是香蕉，較為大眾化的版本，當然要試試。 #同事表示她會制作這種甜品，椰汁加上特別材料， #倒入平底的容器放涼便成形。 易懂難精呀。餐廳有現成的，先取一份再算。 白色的椰汁皮包裹原條香蕉， 腸粉皮味道較清， 反而突出了香蕉的甜。 汽水任LARP, 我飲了2罐冰紅茶 小插曲 期間全店皆黑(唔係拍照技術問題)。 原來是有客人生日，餐廳幫忙搞氣氛。 始終每人口味各不同， 放題有多款任選，總有几款arm口味。 唔洗委屈自己去遷就他人喜好， 和和氣氣的大刷一餐, 亦可各自選喜歡的, 食完大家都覺得滿足，實在是雙贏。 但大家都覺得呢句最過癮： 熱要趁熱食，凍要趁凍食!
感謝 問米婆 提供以上資料 問米婆 的網誌: http://www.openrice.com/zh/gourmet/reviews.htm?userid=50320141&city=hongkong
|
~END~
| 商店 | 相撲手日式放題 |