抱歉,發生點錯誤。
重新載入
Go in our dream
mohkc
2015-03-22
420
0
分享
收藏
Honey! 同你一齊咗十個月喇, 記得一開始嘅時候我都無掩飾相機食先嘅習慣, 到依家寫食評要係餐廳四圍影相, 你都無怨言, 仲幫我呢個文盲對功課  嘿嘿, 為興祝紀念日, 每月都會搵間特別有意思嘅餐廳, 比心機寫好啲, 當係同你一齊嘅小日記

Go Inside Kitchen, 首先比餐廳名吸引到, 感覺應該好專注食物會唔錯  , 放工六點黎到, 咁啱餐廳負責人係到, 可以傾吓偈了解餐廳背後概念, 餐廳收集咗超過一百位客人嘅夢想, 出咗本"我們還有夢想", 講追求夢想嘅書, 有人想令媽咪老懷安慰, 到南非流浪, 經營特色懷舊冰室等, 我嘅夢想當然係當食家啦, 哈哈, 書中會給讀者鼓勵, 夢, 從不只是想!
「你若不想做, 只會找個藉口, 你若想做, 自會找到方法」
Go Inside Kitchen的相片 - 觀塘)


由門口行入黎會見到開放式廚房, Go Inside Kitchen :D - 觀塘的Go Inside Kitchen)
係openrice search "Go Inside" 時會出現另一間 "高。牽心" 餐廳, 原來都係同一公司, 以呢間走私房菜路線, 風格大不同! 工廈中嘅環境寬敞, 裝修簡約多以木元素, 創辦者係衣食住行裏面簡咗嘅食, 可以達到自己嘅夢想之餘令食客感到開心滿足, Go Inside係指Go Inside your heart, 聽吓自己心中嘅夢想!


訂咗枱六點黎到, 店員已經幫我準備好位置:) - 觀塘的Go Inside Kitchen)


工廈中嘅舒適環境, 裝修簡約多以木元素 - 觀塘的Go Inside Kitchen)
而我哋就揀咗9道菜嘅晚餐, 可以迫自己慢慢落黎食一餐, 因為返工時候嘅午餐, 急急腳咁去餐廳食完就要返 辦公室繼續拼搏, 呢度可以同愛人享受一吓 


晚餐嘅意大利飯, 意粉, 主菜等$148-298, 9 course dinner set $298 - 觀塘的Go Inside Kitchen)


廣闊嘅觀塘景, 好少係呢個位置睇到:D - 觀塘的Go Inside Kitchen)


有啲風, 如果係到食lunch都唔怕熱:) - 觀塘的Go Inside Kitchen)


牆上壁畫色彩豐富, 由小朋友畫架:D - 觀塘的Go Inside Kitchen)
意式香草麵包
喜歡食西餐, 因為一坐低就有麵包食, 嘿嘿, 每人有一份法式麵包及香草麵包, 方型嗰款黎到已經聞到陣rosemary香草味, 麵包烤到少少金黃色, 望落好脆身, 食落外脆內軟!


法式麵包及香草麵包 - 觀塘的Go Inside Kitchen)
餐廳同橄欖油公司合作製造出自家味道, 有蘋果香味, 落到喉嚨有檸檬清新感覺, 配埋包食嘅時候有啲似檸檬夾心餅, 黑醋好濃郁, 倒出來較傑身, 好似係十五以上嘅品質, 味道好香, 喜歡呷醋嘅我唔客氣喇 


自家橄欖油及黑醋 - 觀塘的Go Inside Kitchen)


黎到已經聞到陣rosemary香草味 - 觀塘的Go Inside Kitchen)


味道好香, 喜歡呷醋嘅我唔客氣啦:D - 觀塘的Go Inside Kitchen)
香煎加拿大帶子伴柚子芥末配大蘑菇 (4.5/5)
厚身帶子煎到金黃色, 係最佳嘅賣相哈哈, 落少少柚子汁帶出鮮味, 帶子面頭少少脆身, 而入面就好鮮好嫩, 用大蘑菇假裝帶子裙邊, 食落好爽口裏面仲有唔少水, 加埋蒜蓉炒香好入味, 伴碟嘅沙律上有啲濃縮無花果汁, 甜味幾開胃


香煎加拿大帶子伴柚子芥末配大蘑菇 - 觀塘的Go Inside Kitchen)


香煎加拿大帶子伴柚子芥末配大蘑菇 - 觀塘的Go Inside Kitchen)
鮮蝦華都夫沙律 (3/5)
平時較少見嘅沙律名, 好奇地上網做一做research, 原來叫Waldorf salad係美國都係一個受歡迎嘅沙律, 材料主要有各款生果及果仁, 喜歡用什麼調味料都可以, 廚師就用薯仔, 青蘋果梅花間竹咁達成一層小塔, 上面就放有鮮蝦, 配合旁邊嘅烤合桃, 口感豐富


鮮蝦華都夫沙律 - 觀塘的Go Inside Kitchen)


用薯仔, 青蘋果梅花間竹咁達成一層小塔 - 觀塘的Go Inside Kitchen)
香茅雞蓉忌廉湯 (3/5)
首先聞到好香忌廉味, 簡單喺上面加咗啲乾麝香草(thyme), 飲嘅時候就會多種層次, 香茅味唔算突出, 味道啱啱到喉嚨, 雞粒口感幾好, 唔似得一般嘅雞肉切成丁粒, 較難入味, 而呢到用免治雞肉, 細細粒都唔錯


香茅雞蓉忌廉湯 - 觀塘的Go Inside Kitchen)


香茅雞蓉忌廉湯 - 觀塘的Go Inside Kitchen)
法式鵝肝雲吞 (5/5)
切開長形雲吞時即現心心眼, 因為餡料係原片鵝肝, 油脂慢慢流到士黃色吉士醬汁中, 雲吞皮都吸收咗鵝肝嘅精華而變咗色, 甘香味道令我食到一臉滿足  食完三片肥美雲吞, 底下仲有啲菠菜, 可以配埋啲醬汁食, 配搭非常細心


法式鵝肝雲吞 - 觀塘的Go Inside Kitchen)


法式鵝肝雲吞 - 觀塘的Go Inside Kitchen)


法式鵝肝雲吞 - 觀塘的Go Inside Kitchen)
青檸檸檬雪葩 (4/5)
一餐都未食完, 點解有甜品先嘅? 哈哈
廚師特別安排一道雪葩, 用青檸肉同砂糖打成沙冰, 再用已急凍青檸載起, 好有夏日感覺, 
~END~
人均 $317.00
商店 Go Inside Kitchen