|
必食一品
|
|
mohkc
2015-01-09
321
0
|
分享
收藏
| 三年前開始興起食雞煲嘅熱潮, 開到成行成市, 鐘意同朋友家人聚埋一齊就打邊爐 比起曇花一現嘅雪花冰, yogurt, 珍珠奶茶店, 雞煲更顯得屹立不倒 我又鍾意食辣, 根據食咗幾年嘅經驗留意到雞煲通常分成三類 一、主要食湯底例如南北杏鱷魚肉湯, 椰子汁甜嘅湯底都試過, 將湯滾起加雞肉, 冚埋蓋等到第二次滾起就熄火焗二十分鐘, 用湯嘅熱力整熟隻雞, 食起上黎特別嫩滑 二、無汁, 用生鐵煲煮, 上枱嘅時候吱吱聲熱辣辣, 然後要即刻搞下個底, 唔係就會黐底, 食落特別惹味 三、有汁嘅, 辣嘅程度任君選擇, 食完雞再加上湯打邊爐, 秘訣係湯唔可以加得太多, 如果唔係雞煲嘅精華就會沖淡架喇 大檸茶 $29 淨係記得呢到嘅凍檸茶大大杯, 嗌嘅時候完全唔記得走甜少冰添 份量夠哂兩個人飲成餐 秘制雞煲一隻(少辣) $200 啲雞好嫩! 如果唔怕肥, 連埋啲雞皮食就仲正! 完全停唔到口, 大比數拋離我對面嗰位 煲入面可以見到唔同嘅香料, 因為斬得好細件, 所以食起黎唔會好麻煩 雖然友人把口話辣, 但隻手就不停夾黎食, 哈哈, 其實啲辣好香, 只係有少少麻嘅感覺 火鍋嘅各種配料, 無論係海鮮蔬菜定丸肉類都好齊全 韮菜餃拼魚皮餃$48 餃子等左好耐都未黎, 友人就問「係咪即刻包呀?咁耐嘅?」 原來佢真係新鮮即包嘅, 不過放咗喺室溫一陣, 餃子就會黐住隻碟, 夾起要小心啲, 我就唔用筷子, 用手慢慢拎起, 免得佢穿窿 韮菜餃 (2/5)ｰ啲皮好黐牙, 唔多好食, 餡又唔夠多 魚皮餃(2.5/5)- 皮爽口, 餡裏面的有一兩粒都算大嘅肥豬肉, 唔鐘意 西洋菜$28 食完所有肉類, 將湯大滾一陣, 啲肉嘅油脂就會浮上面, 用匙羹畢走後再放蔬菜落去, 食嘅時候就唔覺得肥膩喇;) 菜都幾新鮮乾淨 *電視到7點半就係到播影餐廳宣傳相, 想點啫? 都食緊啦, 比客人睇下電視都唔得, 最唔鐘意餐廳有呢d小家行為╮(╯▽╰)╭
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$166.00
| 商店 | 一品雞煲火鍋 (土瓜灣) |