|
蠔食蟹
|
|
mohkc
2015-01-18
438
0
|
分享
收藏
| 第一次黎已經係三年前, 嗰時兩老鐘意食海鮮, 尤其係呢到出名嘅蟹粥同只此一家嘅蠔仔春卷及腸粉 仲記得我係喺呢到學識食蟹肉 , 帶朋友黎食過兩次, 佢地都會問我點解識黎呢間餐廳 因為係呢區食飯都唔算方便, 除非自己開車黎, 而且宣傳唔多, 但靠口碑呢間餐廳都好多食客都慕名而來 生炸蠔仔春卷$58/4件 (5/5) 鮮味隨住第一粒蠔仔碌落口裏面, 我一口咬落春卷可怕的事就發生啦… 蠔嘅肉汁好似噴泉嘅噴上個個鼻到, 第二日鼻嘅軟身位就有個深色傷口 講返個味道先, 春卷炸到金黃色, 平均有四至五粒蠔仔, 好鮮, 原汁原味, 每次食都絕讚不絕口, 認真唔可以錯過!!!!! 芝麻雞軟骨$26 (1.5/5) 椒鹽白飯魚$29 (1/5) 我家姐姐又起勢嗌炸野食…我都會食炸物, 但好唔鐘意呢種炸粉, 食落得炸粉同胡椒粉, 食唔出魚嘅鮮味, 兩款都炸得太乾身, 吸引唔到我再食 蠔仔水晶粉卷$58/4條仔 (3.5/5) 腸粉好薄, 完全可以清楚睇到裏面嘅蠔仔, 佢地就好似幾隻迫埋係被窩裏面取暖 等我靜靜地食咗佢地先 可以見到一條都有3粒中形蠔仔, 有手指公第一節咁大, 好鮮味, 唔食熱氣嘢嘅朋友可以試呢個 自家製蝦膠響鈴卷$48/4條 (2.5/5) 響鈴加入蝦膠炸一炸, 不過蝦膠太少, 好似陣風咁就無咗 蒜蓉菜心$38 (2.5/5) 菜好新鮮, 好乾淨, 就算啲相片無調過色溫, 都睇到啲菜心真係好翠綠 快炒嘅蒜蓉留下嘅金黃色, 令碟菜又好睇, 又更惹味 蒜蓉蒸茄子$38 (2.5/5) 比辣嗰個茄子好食, 呢個只係簡單蒜蓉豉油芫荽香蔥, 同其他調味料, 唔會太咸, ok 啦 特窩生滾蟹粥$248 (3/5) 兩隻蟹 夠3-6人用 粥用瓦鍋上, 打開蓋嗅到啲燶味, 每一羹都有蟹膏嘅金黃色, 食落都幾鮮 豉油皇炒麵$38 (2/5) 到底由幾時開始食粥習慣要嗌個炒麵炒米呢? haha 應該係隨住食量增大而開始, ╮(╯▽╰)╭ 呢個炒麵就一般啦, 分量同價錢都ok, 另有蜆肉炒麵 籠仔膏蟹蒸飯 細 一隻蟹 $130(4/5) 之前睇韓國嘅飲食節目, 佢地食醬油蟹會用熱辣辣嘅飯, 放落蟹蓋裏面, 蟹蓋當碗撈埋鮮燈色嘅蟹膏, 好豪氣咁大大啖食 於是我都有樣學樣, 好唔客氣咁夾咗個蟹蓋黎自私食 , 呢張相只放咗一半蟹膏, 所以絕對夠哂撈成個飯, 蟹腳嘅肉都幾多, 個個都食到好滿足
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$142.00
| 商店 | 生記茶餐廳 |