|
心夜來潮
|
|
味之素
2015-11-17
668
10
|
分享
收藏
上網見到友人介紹擂茶,好特別的菜色,一問之下先知是潮汕小吃,講真冇乜點食過潮州菜,但因為擂茶,一於去試下,店子位於旺角,但位置比較隱世,卻有不少食客呢,小小的店子,出面擺了不少枱椅,很有地道風味的感覺。
餐牌好似古書,即睇有咩食先。
擂茶,$16,為這而來,材料是把茶葉磨成粉加鹽沖水,再混合花生、芝麻及炒大米而成,味道同飲茶一樣,比較偏苦,少許清香,大米口感爽脆,幾有特色呀。
菜茶,$32,招牌之一,甚有特色,又名男丁茶,材料有菠菜、椰菜、生菜、粉絲、蒜頭、荷蘭豆、菜浦、蝦米、臘肉魷魚乾及花生等,十分豐富,配上炒脆米,口感爽脆,味道鹹香,鮮味突出,好惹味呀。
醬醃海膽,$28,好奇之下點了,其實應該是伴海鮮食,味道好鹹,但鮮味十足,伴飯都幾正呀。
醬鹵鴨,$68,鹵鴨皮薄肉瘦,口感肉嫩鬆化夠入味,好食呀。
鍋燒肉,$46,賣相好似叉燒,外層入口香脆,中間口感煙韌,味道香甜,帶點咸,有似似曾相識的味道,是雞仔餅的味道呀,太似了,都幾好味呀。
巨型脆香手打魚蛋,$32,好大件的魚蛋,外層鬆脆,口感彈牙,幾好味呀。
伴魚蛋的酸辣醬。
好味的潮州菜,有特色又有風味,不過坐店子裡有點擠迫,坐出面應該舒服點,店子開到凌晨3:00,是宵夜之選呀。
旺角塘尾道18號嘉禮大廈地下A舖
|
~END~
| 商店 | (已搬遷)心夜來潮 |