路邊尋食*味不簡單
|
|
mohkc
2015-11-18
326
0
|
分享
收藏
放工啦!放工啦! 我哋每個月總有一兩日成班同事去食飯,天氣轉凍了,當然要打個邊爐暖下身先! 餐廳位於係堀頭路隔離,對自細就喺土瓜灣嘅我,喺呢到搵餐廳當然難唔到我啦! 如果土瓜灣之後有地鐵,一定會成為下一條東大街姐! 平日8點嚟到餐廳,食客唔算多,有電視睇等齊人就開始食啦。餐廳有二到四人枱及可以坐到十人嘅火鍋枱,調味配料都隨即送上!有辣椒、芫茜、炸蒜、沙茶醬等 各款火鍋大約 $58-228,有烤魚鍋、醉雞鍋及辣雞煲等,配料有牛豬雞肉、自家製配料$28-288不等選擇都真係幾多。 韓國BB象拔蚌 $180/隻 生猛海鮮中,有蟶子皇、紅肉羔蟹、龍蝦、鮑魚等,種類真係幾多,可提早預訂確保新鮮,如果係街市揀新鮮象拔蚌,千奇唔好揀脹卜卜吸滿水嘅,要揀啲收哂水嘅,所以切開薄片,邊位就會好似波浪咁彎起,咬落爽口,好新鮮呢〜 避風塘茄子 $48 食落都唔會油膩,加咗炸蒜令表面特別脆身,而裏面嘅茄肉變成軟淋淋,好惹味。 招牌雜菌花甲蟹鍋 $400 所謂有大食大,今日老細跟埋我哋嚟食飯,我哋就緊係嗌個最貴嘅煲嚟賀賀佢! 重點嘅蟹鍋到啦!裏面就有大大隻蟹,花甲,雞肶菇等,湯底鮮甜,店家就建議我哋先飲碗湯,食咗蟹同花甲先,再打邊爐,蟹鉗同腳就好多肉,湯底就好香蕃茄味! 西洋菜 $28 白鱔片 $88 點個蔬菜,可去除肉類配料留下嘅油脂,令湯底再加清,又健康,魚肉新鮮好有光澤,切成薄片後放湯煮熟,鱔片會即刻彎曲起,口感係爽同淋之間,而白鱔有獨特嘅魚油香就令我最回味。 手切本地肥牛拼牛頸脊 $288 同Menu相中嘅肥牛一樣咁靚,雪花分佈平均,分別有手切本地肥牛及牛頸脊,本地肥牛肉因為纖維較粗所以顏色比較深,牛肉味亦較濃 , 而牛頸脊肉質細緻結實,肥瘦適中入口好滑。 鮮蝦雲吞 $46 雲吞新鮮做好,裏面有粒粒鮮蝦,雲吞皮會吸收哂啲湯,更加相得益彰,傾下傾下都10點幾,食飽飽就回家去啦。 路邊煱 Road Hot Pot 星期一至日: 18:00-02:00 土瓜灣美善同道1號美嘉大廈地下7號 Tel: 2813 2252
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
商店 | 路邊煱 |