男子組靠你
|
|
mohkc
2015-11-23
537
0
|
分享
收藏
尖沙咀的食市很多,而天氣轉涼不少,選燒烤餐廳都不錯! 今日跟男子組食飯,要食就緊係選擇烤肉類啦! 米酒makokli cocktail $178 因為我地都睇開韓劇, 好多時對劇中嘅米酒特別有興趣, cocktails一jug上, 酒精以果汁中和, 飲到停唔到口!先點一個細嘅試試, 甜甜地易入口, 味道都唔錯! 後尾都點咗個大嘅再飲多次。 烤牛排骨 $238 牛排骨將肉切成滕笆狀,令醃製更入味,肉都很鬆化,亦唔似用梳打粉醃過, 所以口感超好, 來到一定要點的!! 烤辣醬五花腩 $128 仲可以係邊到搵咁靚嘅五花腩? 數清楚! 一共有七層!! 煎到一面脆身再反轉, 耐心煎一陣再剪開, 將每邊平均烤熟, 見到油脂氣泡不停係表面躍動, 忍唔住唔包生菜就直接放入口, 羶味好香, 表面的辣醬好惹味. 烤鰻魚 $136 鰻魚是我其中一種最愛的,因為有醬汁用錫紙包着就不會痴底,鰻魚肉嫩,味道不錯 烤韓國生蠔 $118 最好的食法將生蠔烤一刻,岀現奶白色的氣泡就可以享用啦,用質鮮甜可不用加醬汁!! 傻瓜朋友仔就生吞下了 店員說可以的,但最好烤過才吃 烤特級雪花牛肉 $238 雪花牛肉也是一定選擇的,牛肉鮮紅,輕輕一燒就可以,脂肪分布平均! 十分滿意 冷麵 $78 推介大家食完燒肉後可以點個冷麵降降溫,店員會幫手剪開麵條,方便食客分享,醬油湯底帶少許咸味,配青瓜絲清涼感覺,有如一陣涼風吹過一樣 最後店家會送上香口珠等給食客享用的,很貼心 BBQ 7080星期一至日: 16:00 - 01:00 尖沙咀山林道54-56號利雅商業大廈1樓 Tel: 2735 2099 分店: 太子、天后、旺角、銅鑼灣
感謝 mohkc 提供以上資料 mohkc 的網誌: http://www.openrice.com/zh/gourmet/reviews.htm?userid=717759&city=hongkong
|
~END~
人均
$307.00
商店 | BBQ 7080 (尖沙咀山林道分店) |