|
[親子旅遊] 中環 展城館 City Gallery
|
|
kimfamilytravel
2015-11-21
930
0
|
分享
收藏
今日去完立法會參觀同喺外嘅添馬公園玩之後
就行5分鐘過到嚟展城館玩啦！
之前一直好少聽人講過香港有呢個館，一於今次順路過嚟睇吓先！
我哋由添馬公園大草地行過嚟只需5分鐘
外面睇落去唔算好大個館
我哋離遠見到個人企喺天台度
嚇死我以為有人玩行為藝術要跳樓
原來佢前身係香港規劃及基建展覽館
2002年依家有喺度，但係2009闗閉翻新
到2012年再以展城館開幕！
所以外面望落去都覺得好新
先喺門口影番張靚相先
呢個哥哥成日都整古做怪！
入到去發現人唔算多
基本上行得好舒服
大家可在門外Reception拎番一張QR咭
然後在這個地方啟動你的QR咭
啟動之後你就可以拎住佢到各層啟動每項電子設施
我哋拎住其中一張咭啟動唔到
之後要問Reception哥哥拎多張，試咗兩三張先至OK
啟動嘅時侯要你入好多個人資料
不過大家都可以Skip哂佢！
我哋開始行程之前大家先去厠所小個便洗個面
跟住我哋等齊人就準備開始我哋嘅展城館旅程啦
喺地下呢層就已經設有一個展覽
不過只有好多塊展板喺度，對於我唔係咁鍾意睇字嘅人嚟講
就想快D去下一站！
我哋行上幾級樓梯準備搭一條好長嘅扶手電梯上到三樓
望上去見到好有老香港特色嘅鳥籠
喺扶手電梯嘅上面有好多好有香港特色嘅招牌燈箱
呢個係一個影相景點，但係大家一邊搭住扶手電梯一邊影相要記住小心
我要睇住呀芊所以就求其同哥哥影一張就算
有珠寶有海鮮飯店等嘅呢D招牌真係好有Feel
上到嚟呢層一見到就係呢個主題放映區
左右兩邊大屏幕都播放住香港唔同地區嘅發展計劃
中間設置咗一個香港九龍的小模型
中間維港用咗Project形式將船隻投放咗係個海度
小朋友見到都覺得好得意！仲有大人就同小朋友估吓自己住喺邊
住喺新界嘅朋友就睇唔到lu...
大人們都係求其指個地方當係自己住嗰度話俾小朋友聽
離開咗放映行過嚟就係一條長走廊
都放咗唔同地區嘅城巿規劃，睇到佢哋嘅一D轉變！
搵到自己居住地區嘅小朋友就好開心
搵唔到嘅就喺度問「點解冇嘅？」
我都覺得奇怪唔係每一個區都可以介紹㗎咩？
呢個芊芊見到有掣就不停撳
攪到俾姐姐過嚟話...
之後上到嚟四樓係資源中心，不過我哋帶住咁多小朋友就廢事帶佢哋入去
因為裡面就好似一個圖書館咁都係俾巿民入去搵番D資料睇吓
不過聽講裡面可以望番出去見到無敵大海景！
所以大家都不彷可以入去望吓！
落番去二樓，呢一層嘅主題係「策略宏圖」、「策略性基建設施」、「交通及運輸」和「可持續發展」
呢層算係最吸引大人細路㗎啦！
因為佢嘅裝置都好生活化，有港鐵，紅綠燈，水管等
呢度有個投射器project咗一隻大甲蟲喺地下
小朋友已經好開心咁不停踩佢！
呢度有好多似曾相識嘅標誌
所以佢哋踩落去又好興奮lu
呢個更加係大家影相嘅景點
叫哂成班小朋友一齊排排坐影番張靚相
不過我影完都喺度諗，大家咁鍾意喺真港鐵裡面影咪就得囉Haha
而且仲有一個好似打機咁嘅設施
俾小朋友可以模擬駕車
所有小朋友都勁鍾意玩，結果成為大人休息時間！
另外一邊有D問答遊戲同埋互動設施
不過每次遇見呢D互動電子屏幕
仲有一兩部壞，我哋Touch極都冇反應
但係最後都係呢度最吸引小朋友
結果佢哋都係拖住手番去再玩過
最後我哋喺度抖多一陣就離開呢度
向住天星小輪碼頭出發！同小朋友一齊搭個船去對面岸
Photo by CANON 5D Mark III, Len | EF 24-70mm f/2.8L USM
呀劍評分: 7分
呀劍評語: 雖然話係認識香港的城巿規劃，但係大家都可以當佢係一個歷史博物館咁行，只不過個歷史冇咁前，展館好新，唔算大！來個短線遊配合埋搭天星小輪過尖咀食個Tea都幾好！
展城館 簡介
展城館是香港首個以規劃和基建發展為主題的展覽館。這個獨特的展覽場地，展示了香港主要的規劃建議和基建項目，並簡介我們這個城市未來的發展方向。
地址
香港中環愛丁堡廣場3號 (近大會堂低座)
開放時間
每日10:00至18:00逢星期二(公眾假期除外)及農曆新年初一及初二休館。
電話免費參觀
交通
網址 http://www.citygallery.gov.hk/ 3102 1242 (以上資料更新至文章當日)
感謝 呀劍萬帥 提供以上資料 呀劍萬帥的網誌: http://kimfamilytravel.blogspot.hk/
|
~END~
| 商店 | 展城館 |