抱歉,發生點錯誤。
重新載入
(偽文青告訴你)文青指南十件事
技巧樹熊
2015-12-05
539
1
分享
收藏

茶家開張了,大家有去朝聖嗎?

第一間的茶家可以話係幾多自命不凡的文青必到的場地,如果你係文青又好,偽文青也好,呢件盛事絕對要參與,今日星期日,係去飲之前我有一個下午的時間,於是我來到了這類潮聖,的確地方舒適,然後,留意下身邊一個一個的文青的特點,於是寫下這篇文青指南十件事,願各位也能可以袋啲野番去,做個真文青。
茶。家的相片 - 西環)
1.相機

你唔影相,唔check in 又點知你黎過呢,相信唔少人黎到第一件事就係check in,而且佢地通常都會帶一部單反,或者有錢文青就帶係復古嘅Leica ,冇錢就係米色啡色嘅Olympus EPL 系列(我都係用呢部),然後會掛係心口,然後同咖啡,書本,蛋糕,小動物,門,窗,花,草,唔望鏡頭嘅人,乜野都肆意地影一番,post係instagram 或Facebook ,要幾多like,有幾多like ,你還記得茶家I的門口嗎,幾多萬千文青係度唔望鏡頭影過相,你話做文青點可以無相機呢?
茶。家的相片 - 西環)
2.書

話明文青,點可以無書,文青係由知識,外表,內涵決一不可的合成體,係Instagram 或者Facebook 你見到的相片有五成以上和書本有關,然後通常都有類似字眼:"一個人下午最好飲杯咖啡睇下書" ,"time for reading" , "知識改變命運","享受一個人的時間"或者最潮係包括歌名,戲名以表示自己興趣廣泛"等一個人咖啡"," 下午三點”,“那個下午我在茶家看書”等,配合照片,你成個人都文青度爆燈,茶家II更擺明車馬話你知佢係文青集中營,有一個角落係書架俾你以書換書,文青仲可以慳錢,絕對係佳音。(偽文青通常係攞書去影相,睇唔睇係後話)
茶。家的相片 - 西環)
3.花花草草

兩間茶家都有好多花花草草,你記得都知道茶家I外面有那個綠悠悠的草地,呢度雖然冇,但花花草草主題都算周圍可以見到,這些都會係文青照片的配角,點綴照片,提升文青度。
茶。家的相片 - 西環)

茶。家的相片 - 西環)

茶。家的相片 - 西環)

茶。家的相片 - 西環)

茶。家的相片 - 西環)
4.簡約

你見到的人同事,都係非常簡約,剩色的衫褲鞋襪,還有茶家自己本身的裝潢設計都係崇尚無印的風格,一張大大的枱,一張好cozy的梳化又係一個check in item。
茶。家的相片 - 西環)

茶。家的相片 - 西環)

茶。家的相片 - 西環)

茶。家的相片 - 西環)
而且呢到仲可以坐門口位,望出去又可以影相,呃like的位,請如圖示, 千萬記得,相構圖都要好簡單為主。
茶。家的相片 - 西環)
5.咖啡或茶

Iced masala chai,呢杯係我黎嘅原因,自從飲完兩次之後我日日都想念呢杯印度奶茶,茶香好濃,那個印式味度勁烈,而且好滑好甘甜,不過由於凍奶茶的關係,冰較多,你唔可以慢慢飲,如果慢慢飲,茶味會被冰冲淡而影響
茶。家的相片 - 西環)
祁門奶茶,這個都係類似印度奶茶的style,我們點了熱的,不過我就唔係好鐘意呢個味,飲左好耐都唔識分個味係乜,飲到底就知道原來個base係以紅棗為主,老實說,我沒有什麼好感,亦都唔係好鐘意紅棗個種味,因此,我對呢位祁門奶茶麻麻。
茶。家的相片 - 西環)
兩杯飲品,當然要影下佢地,特別係熱飲最好配襯一本書,構圖簡約而有意境,而凍就搭件蛋糕,咁樣就適合一些文青加foodie的追隨(文青提提你:凍飲千萬不可配書,飲得快係睇唔到書的),私人一點,我好推薦Iced masala chai,起碼飲兩杯。
茶。家的相片 - 西環)

茶。家的相片 - 西環)
6.一件小吃/蛋糕

今日做偽文青,我叫了一件Matcha chiffon cake,那個大大件的感覺除了影相靚之外,其實都好美味。

總共有三層的蛋糕好鬆軟,那個綠茶味淡淡的,中間的一層係唔算太甜的cream,配合那個淡味的綠茶絕對係絕頂的天生一對,唯一唔好處係個樣就真係唔係好靚,反而如果好似你話文青要靚要簡約的話就叫綠茶芝士蛋糕,又靚又好吃,我怕太甜所以先冇咁蛋糕,如果你係女文青,也不用選擇了吧。
茶。家的相片 - 西環)

茶。家的相片 - 西環)

茶。家的相片 - 西環)
7.電腦

呢度有啲似starbucks,都會有人係度打開電腦,不過呢度唔係學生傾project,係各潮人用Apple 電腦做自己愛做的事,例如上下網,玩下app,有時候可能會係部電腦睇下書,總之,每次你都會見到有文青用電腦,總之,沒有人用電腦,茶家就好似無左格調咁。

8.下午的陽光

坤哥話齋,i say one two three four you say one two three four 這是陽光點的歌,我覺得可以做呢到嘅主題曲,連歌都有得唱,就知陽光氣息對文青黎講幾重要,茶家都係,特別係地毯渴著茶,享受那個陽光浴,絕對係文青一大玩意,當你閉上眼感受著陽光洗禮時,多麼有格調,影一幅相又係呃like作品。
茶。家的相片 - 西環)

茶。家的相片 - 西環)
9.音樂

音樂係文青的重要元素,呢度播嘅大部分係外國歌,Damien rice ,陳綺貞,Cafe Del mar 精選碟,Jason Marz, Lana del ray 等,要幾文青有幾文青,你唔會聽到twins嘅愛情當入樽,呢度音樂格調絕對係好似903咁。

10.自我感覺良好

講左咁多,最重要一定係自我的感覺必要良好,星期日的下午,晴天的陽光下午,帶著電腦,相機和書本,來到欣賞下茶家II的簡約風格和枱面的花草,叫一杯飲品,吃一口蛋糕,聽下音樂,然後upload 一張"文青的星期日下午"的相上facebook或instagram 加hashtag文青,當你期待第二百一十六個like的時候,文青的自我感覺良好就會油然而生,這個不用帶,不用攞,是一種感覺,好意識流,好抽象,大概是八十九十後才會明白的一個文青主義吧。
茶。家的相片 - 西環)
茶。家 Teakha

西環保德街18號地舖


============================================

感謝 技巧樹熊 提供以上資料

技巧樹熊的網誌: http://www.openrice.com/zh/gourmet/reviews.htm?userid=718688&city=hongkong


============================================

~END~
人均 $90.00
商店 茶.家 Teakha (西環店)
Bill2015-12-11 13:46:06
+ 追隨
舉報
"文青指南十件事
1.相機"

手機影相算僞文青定真文青?
回覆